މާލެއިން ބ. ގޮއިދޫއަށް ނޫސްވެރިން ގޮވައިގެން ދަތުރުކުރި ލޯންޗެއް ފަޅައިގެން ހިނގައްޖެއެވެ.

މި ހާދިސާގެ ހިނގާފައިވަނީ އާދިއްތަ ދުވަހުގެ ހަވީރު 4:30 ހާއިރެވެ.

އެ ލޯންޗުން ދަތުރުކުރި ރާއްޖެޓީވީގެ ނޫސްވެރިޔާ މައުލޫމާތު ދިންގޮތުގައި ލޯންޗު ފަޅައިގެން ގޮސްފައިވަނީ ގޮއިދޫއާ 20 ނޯޓިކަލް މޭލު ބޭރުންނެވެ. އެ ލޯންޗުގައި ޖުމްލަ 9 މީހުން ތިބި ކަމަށާއި، އެއްވެސް މީހަކަށް އަނިޔާ ނުވާކަމަށް އޭނާ ބުންޏެވެ.

މި ހާދިސާ ހިނގުމާ ގުޅިގެން ގޮއިދޫއަށް ދަތުރުކުރަމުންދިޔަ އެހެން ލޯންޗަކަށް މީހުން ބަދަލުކުރިއެވެ. އެއީވެސް މީޑިއާގެ ޓީމުތައް ގޮވައިގެން ދަތުރުކުރި ލޯންޗެކެވެ.

ފަޅައިގެންދިޔަ ލޯންޗު މިހާރު ވަނީ ސަމާ ރިސޯޓަށް ކަފުޖަހައިގެން ގެންގޮސްފައެވެ.