ބަޔާންގައި ކޭންގެ ފެށުން ހަރާބު

ބަޔާން މިއުނިކްގައި އިންގްލެންޑްގެ ކެޕްޓަން ހެރީ ކޭންގެ ފެށުން ހަރާބުވެއްޖެއެވެ.

އިންގްލެންޑްގެ ޓޮޓެންހަމް ދޫކޮށް ބަޔާންއަށް ބަދަލުވިތާ 24 ގަޑިއިރުވެސް ނުވަނީސް އައު ކްލަބަށް ކޭން ކުޅުނު ފުރަތަމަ މެޗަކީ އައު ސީޒަންގެ ޖަރމަން ސުޕަރ ކަޕް މެޗެވެ. މެޗުން 3-0 ން އާރުބީ ލައިޕްޒިގް އަތުން ބަލިވެ ކޭންގެ ފެށުން ވަނީ ހަރާބުވެފައެވެ. މެޗުގައި ކޭން ކުޅެން ނުކުތީ ދެވަނަ ހާފްގައެވެ. ކޭން ކުޅެން ނުކުތް އިރު ވެސް އާރުބީ ލައިޕްޒިގުން ވަނީ ދެ ލަނޑުގެ ލީޑެއް ނަގާފައެވެ. ތިންވަނަ ލަނޑެއް ޖެހީ ޕެނަލްޓީއަކުންނެވެ. މެޗުގައި ބަޔާން ކޮޅަށް ތިން ލަނޑުވެސް ޖެހީ ސްޕެއިން ފޯވާޑް ޑެނީ އޮލްމޯއެވެ.

މެޗުގެ 64 ވަނަ މިނެޓުގައި ކުޅެން ނުކުމެ ކޭންއަށް ބޯޅައިގައި ޖައްސާލެވުނީ ތިން ފަހަރުއެވެ. ކޭންއަށް އޭނާގެ ނުފޫޒެއް ނުފޯރުވުނެވެ. މެޗުގައި ޓީމްގެ ފަރާތުން ފެނުނު ގުޅުމާއި ކުޅުމާ މެދު ހިތްހަމަނުޖެހުނަސް ކޯޗު ޓުޗެލް ބުނީ ކޭންއާ މެދު އިތުބާރު އެބައޮތް ކަމަށެވެ. ޓީމަށް ހޭނި ޓީމްގެ ކުޅުންތެރިން ދަސްވުމުން ބަޔާންގައި ވެސް ކޭން ތަފާތު ދައްކާނެކަމަށް ޓުޗެލް ގަބޫލުކުރެއެވެ.30 އަހަރުގެ ކޭން އަކީ ކެރިއަރުގައި މިހާތަނަށް 354 ލަނޑު ޖަހާފައިވާ ކުޅުންތެރިއެކެވެ. އޭނާއަކީ ޓޮޓެންހަމްގެ ރެކޯޑް ސްކޯރަރއެވެ.