ށ. މާއުނގޫދޫ އަކީ ސިޔާސީ ރަށެއް، ތޯތޯ ވާހަކަދައްކައިގެން އޮޅުވާ ނުލެވޭނެ - މެމްބަރު ޝާހިދު
31 ޖުލައި 2023 | ހޯމަ 11:38އޭނާ ވަނީ ރައީސް އިބްރާހިމް މުހައްމަދު ޞާލިހު އަށް ވަރަށް ބޮޑަށް ތައުރީފްކުރައްވާފަ
ރައްޔިތުންގެ މަޖިލީހުގެ ށ.ފުނަދޫ ދާއިރާގެ މެމްބަރު މުހައްމަދު ޝާހިދު
ށ.މާއުނގޫދޫ އަކީ ސިޔާސީ ރަށެއް ކަމަށާއި ތޯތޯ ވާހަކަދައްކައިގެން އެ ރަށުގެ ރައްޔިތުންނަށް އޮޅުވާ ނުލެވޭނެ ކަމަށް ރައްޔިތުންގެ މަޖިލީހުގެ ށ.ފުނަދޫ ދާއިރާގެ މެމްބަރު މުހައްމަދު ޝާހިދު ވިދާޅުވެއްޖެއެވެ.
އޭނާ މިފަދައިން ވިދާޅުވީ ރައީސް ޞާލިހު މިހާރު ށ.އަތޮޅަށް ކުރައްވަމުންދާ ދަތުރުފުޅުގެ ތެރެއިން ށ.މާއުނގޫދޫ އަށް ވަޑައިގެން އެ ރަށުގައި ބޭއްވި ބައްދަކުކުރެއްވުމުގައި ވާހަކަދައްކަަވަމުންނެވެ. އެ ބައްދަލުވުުމުގައި ވާހަކަދައްކަވަމުން މާއުނގޫދޫ މާ ބަނދަރެއްގެ މަސައްކަތް ކުރިއަށް ދާ ކަމަށާއި އެ މަސައްކަތް ވަރަށް އަވަހަށް ނިންމާލެވޭނެ ކަމަށް އޭނާ ވިދާޅުވިއެވެ. އަދި އެ ރަށުގެ ފެނާއި ނަރުދަމާގެ މަސައްކަތް ވަރަށް ބާރަށް ކުރިއަށް ދާކަމަށް ވެސް އޭނާ ވިދާޅުވިއެވެ. އުންމީދަކީ އެ މަސައްކަތްތައް ވީހާވެސް އަވަހަށް ނިމުން ކަމަށް އޭނާ ވަނީ ވިދާޅުވެފައެވެ.
އެ ރަށަކީ ސިޔާސީ މުފައްކިރުން ގިނަ ރަށެއް ކަަމަށް ފާހަގަކުރައްވާ އޭނާ ވިދާޅުވީ އެ ރަށުގެ ސިޔާސީ ނިންމުން ރަނގަޅުވާނެ ކަމާއި މެދު ޝައްކު ނުކުރައްވާ ކަމަށެވެ. އެ ރަށަކީ އަބަދުވެސް ސިޔާސީ ކަންކަމުގައި ވަަރަށް ވިސްނުން ބަހައްޓައިގެން ކަންކަން ނިންމާ ރަށެއް ކަމަށް އޭނަ ވަނީ ވިދާޅުވެފައެވެ. މިދިޔަ ދައުރުގައި އެ ރަށަށް އެއްވެސް ކަމެއް ކޮށް ނުދެވޭ ކަމަށް އޭނާ ވަނީ ވިދާޅުވެފައެވެ. އަަދި އޭނާ ވަނީ ރައީސް އިބްރާހިމް މުހައްމަދު ޞާލިހު އަށް ވަރަށް ބޮޑަށް ތައުރީފްކުރައްވާފައެވެ.
