ފޯވަޑުންނަށް ވެސް ފުރަތަމަ 11 ޔަގީންވާނީ ޑިފެންސްކޮށްގެން
31 ޖުލައި 2023 | ހޯމަ 05:47ބޯޅައާ ނުލައި ކުޅުމުގައި ބައިވެރިވާ މިންވަރު އިތުރުކުރަން ކޯޗު ދަނީ ބާރު އަޅަމުން
ލިވަޕޫލްގެ ޑާވިންގ ނޫނޭޒް ބޭނުންކުރާ 9 ނަމްބަރު: ފޮޓޯ-ލިވަޕޫލް
ލިވަޕޫލްގެ ކޮންމެ ކުޅުންތެރިއަކަށް ވެސް ފުރަތަމަ 11 ޔަގީންވާނީ ޑިފެންސްގައި ބައިވެރިވެގެން ކަމަށް ކޯޗު ޔާގެން ކްލޮޕް އިޝާރާތްކޮށްފި އެވެ.
އޭނާ މިހެން ބުނީ މިހާރު ކުރިއަށްދާ އެކުވެރިކަމުގެ މެޗުތަކުގެ ތެރެއިން ލެސްޓާ ސިޓީއާއެކު ކުޅުނު މެޗަށް ފަހު އެވެ. މި މެޗުގައި އުރުގުއޭގެ ފޯވަޑް ޑާވިން ނޫނިއޭޒް ދެ ގޯލު ޖެހުމާ ގުޅޭ ގޮތުން ވާހަކަ ދައްކަމުންނެވެ.
ކޯޗު ބުނީ ދެރަ ޑިފެންސްކުރުމަކާއެކު ޓީމެއް ކާމިޔާބު ހޯދާތަން އޭނާ ނުދެކޭ ކަމަށާއި ނޫނިއޭޒް ވެސް ބޯޅައާ ނުލައި އިތުރަށް މަސައްކަތް ކުރަންޖެހޭ ކަމަށެވެ.
ފުރަޔަމަ ސީޒަނުގައި ރަނގަޅު ކުޅުމެއް ދެއްކި ނަމަވެސް އަނިޔާ އާއި ހޯދި ރަތްކާޑުތަކާއި ސަސްޕެންޝަނުގެ ސަބަބުން ނޫނިއޭޒް ލިވަޕޫލުގައި މާބޮޑަށް ވިދާލާފައިނުވެ އެވެ. ނަމަވެސް ކްލޮޕް ބުނީ އައު ސީޒަނަށް ތައްޔާރުވާއިރު ނޫނިއޭޒްގެ މަސައްކަތާއި ދައްކާ ކުޅުމާދު އޭނާ ހިތްހަމަޖެހުނަސް ބޯޅައާ ނުލައި މުޅި ޓީމު ކުރާ ޑިފެންސްގައި ބައިވެރިވުން އިތުރުކުރަންޖެހޭ ކަމަށެވެ.
ލިވަޕޫލުން ވަނީ ހުސްވި ސީޒަނަށް ފަހު ގިނަ ކުޅުންތެރިންތަކެއް ދޫކޮށްލައިފަ އެވެ. މިހެންވެ އައު ސީޒަނަކީ ޓީމުގައި ތިބި ޒުވާން ކުޅުންތެރިންނަށް މީގެ ކުރިން ނުލިބޭ ފުރުސަތުތަކެއް ފަހިވާނެ ސީޒަނެއް ކަމަށް ވެސް ކޯޗު ބުނެ އެވެ. މި ގޮތުން އޭނާ ދަނީ ބައެއް ކުޅުންތެރިން ކުރިން ކުޅެފައިނުވާ މަގާމުތަކަށް ކުޅުވައި ޓީމު އެކުލަވާލުމުގެ މަސައްކަތް ކުރަމުންނެވެ.
