ޓީ20 ޕްރިމިއަރ ލީގުގެ ޗެމްޕިއަންކަން މިލާން ކްރިކެޓް އެކަޑަމީން ހޯދައިފިއެވެ.

ލީގުގެ ފަހު މެޗު މިލާން ކްރިކެޓް އެކަޑަމީން ކާމިޔާބުކުރީ އޮފްއެފްސީއާ ވާދަކޮށް 114 ލަނޑުންނެވެ. މިލާން ކްރިކެޓް އެކަޑަމީން ވަނީ 16 އޯވަރުގެ ތެރޭގައި ތިން ކުޅުންތެރިން ނުބައިވިއިރު 144 ލަނޑު ހަދާފައެވެ. އޮފްއެފްސީގެ ހުރިހާ ކުޅުންތެރިން 10.4 އޯވަރުގެ ތެރޭގައި ނުބައިވިއިރު ހެދުނީ 49 ލަނޑެވެ. މެޗުގެ މޮޅު ކުޅުންތެރިއަކީ އިބްރާހީމް ނަޝާތުއެވެ.

މިލާން ކްރިކެޓް އެކަޑަމީން ލީގު ޗެމްޕިއަންކަން ހޯދީ ކުޅުނު ހަތަރު މެޗުވެސް ކާމިޔާބުކޮށްގެންނެވެ, ލީގުގެ ދެވަނަ ހޯދީ މާލޭ ވެޓަރެންސް ކްލަބެވެ. މުބާރާތުގެ އެންމެ މޮޅު ބެޓްސްމަނަކީ މާލޭ ސްޕޯރޓްސް ކްލަބްގެ މުޙައްމަދު ރިޝްވާނެވެ. މުޅި މުބާރާތުގެ އެންމެ މޮޅު ކުޅުންތެރިއަކީވެސް ރިޝްވާނެވެ. އެންމެ މޮޅު ބޯލަރަކީ މިލާން ކްރިކެޓް އެކަޑަމީގެ އަހުމަދު އަމީލް މައުރޫފެވެ. ބެސްޓް ފީލްޑަރއަކީ މިލާން ކްރިކެޓް އެކަޑަމީގެ މުހައްމަދު އައްޒާމްއެވެ. މުބާރާތުގެ އެންމެ އުއްމީދީ ކުޅުންތެރިއަކީ މާލޭ ވެޓަރެންސްގެ ތަރޫސާ ކަވިންދާއެވެ.