އިންޑިއާގައި އެކަކުގެ ގައިގައި މަހެއްހާ ދުވަހުގެ ތެރޭގައި ހަ ހަރުފަ ދަތް އަޅައިފި

އިންޑިއާގެ އުއްތަރު ޕްރަދޭޝްގެ ފިރިހެނެއްގެ ގައިގައި މަހެއްހާ ދުވަހުގެ ތެރޭގައި ހަ ހަރުފަ ދަތް އަޅައިފިއެވެ.

އިންޑިއާގެ ނޫހެއް ކަމަށްވާ އިންޑިއާ ޓުޑޭ ގައި ބުނެފައިވާ ގޮތުގައި މި މީހާ ގައިގައި ހަރުފަ އެއް ފުރަތަމަ ދަތް އެޅީ އެޅީ އޭނާގެ ގޭގައި ނިދަން އޮންނަ އެނދުން ތެދުވަން އުޅުމުގެ ތެރޭގައި ޖޫން މަހުގެ ދެވަނަ ދުވަހުއެވެ.

އެ ހާދިސާގެ ފަހުން އެކި ދުވަސް މަތިން އޭނާގެ ގައިގައި ފަސް ހަރުފަ ދަތް އަޅައިފައިވާ ކަމަށް ނޫހުގައި ވެއެވެ.

ހަތަރު ފަހަރު އޭނާގެ ގައިގައި ހަރުފަ ދަތް އެޅުމުން އުމުރުން 24 އަހަރުގެ މި މީހާ އާއިލާ މީހުންގެ އެދުމަށް ދިރިއުޅޭ ގެ ބަދަލު ކުރިއެވެ. އޭނާގެ ގައިގައި ފަސް ވަނަ ހަރުފަ ދަތް އެޅީ އާއިލާ އިން ދިން ލަފާގެ މަތިން އެހެން ސަރަހައްދެއްގައި ހުންނަ އޭނާގެ ބޮޑު ދައިތަ ގޭގައި އުޅެމުން ދަނިކޮށް ކަމަށް މި ޚަބަރުގައި ވެއެވެ.

ބޮޑު ދައިތަގެ ގޭގައި އުޅެނި ކޮށް ހަރުފަ ދަތް އެޅުމުން އޭނާގެ މައިންބަފައިން ބުނެގެން އަމިއްލަ ގެއަށް ބަދަލުވިތާ ދެތިން ދުވަސް ފަހުން ޖުލައި މަހުގެ ހަވަނަ ދުވަހު ހަވަނަ ވަނަ ހަރުފަ އޭނަގެ ގައިގައި ދަތްއެޅި ކަމަށް މި ޚަބަރުގައި ވެއެވެ.

އެއާއެކު އަވަހަށް ހޮސްޕިޓަލަށް ގެންގޮސް ފަރުވާ ދިނުމުން ވަނީ ރަނގަޅު ވެފައެވެ.

އަބަދުވެސް ހަރުފަ ދަތް އަޅާފައިވަނީ ހޮނިހިރު ނުވަތަ އާދިއްތަ ދުވަހެއްގައި ކަމަށް އޭނާ ބުނެފައިވެއެވެ.

މި ޚަބަރުގައި ބުނާ ގޮތުން އިންޑިއާގައި ކޮންމެ އަހަރަކު ތިން ހަތަރު މިލިއަން މީހުންގެ ގައިގައި ހަރުފަ ދަތް އަޅައެވެ. އޭގެ ތެރެއިން ގާތްގަނަޑަކަށް 50،000 މީހުން ހަރުފަ ދަތް އެޅުމުގެ ސަބަބުން މަރުވެއެވެ.