ރާއްޖެ
މީހަކު ގެއްލިގެން ހޯދުން
ފުއްވަމުލަކުން ގެއްލުނު މީހާ އަދިވެސް ނުފެނޭ
އޭނާ ހޯދުމުގެ މަސައްކަތް އަދިވެސް ދަނީ ކުރިއަށް
ސިމާހާ ނަސީމް, ރާއްޖެ އެމްވީ | 15 ޖުލައި 2017 | ހޮނިހިރު 19:37
ގެއްލިގެން ހޯދަމުންދާ މުހައްމަދު ޝަފީއު (49އ)
ފުވައްމުލަކުން ގެއްލުނު މީހާ އަދިވެސް ނުފެންނަކަމަށް ފުލުހުންގެ މީޑިއާ އޮފިޝަލް ވިދާޅުވެއްޖެއެވެ.
ފުވައްމުލަކުން ގެއްލުނީ އުމުރުން 49 އަހަރުގެ ފިރިހެނެއެކެވެ. މި މީހާ ގެއްލިގެން ފުލުހުންނަށް ރިޕޯޓް ކޮށްފައިވަނީ ހުކުރު ދުވަހުގެ ރޭ 12:05 ހާއިރު ކަމަށް ފުލުހުން މައުލޫމާތުދެއެވެ.
އެނގިފައިވާ ގޮތުގައި ގެއްލިފައިވަނީ، ފުވައްމުލަކު އޮޅުތެރޭގޭ މުހައްމަދު ޝަފީއުއެވެ. އޭނާ ގެއިން ނުކުމެގެން ދިޔައީ ހުކުރު ދުވަހުގެ ރޭ 11:30 އެހާކަންހާއިރު ކަމަށާއި އޭގެފަހުން އޭނާ ނުފެންނަ ކަމަށް އާއިލާއާ ހަވާލާދީ ފުލުހުން ބުނެއެވެ.
ފުލުހުންގެ މީޑިއާ އޮފިޝަލް ވިދާޅުވީ އޭނާ ހޯދުމުގެ މަސައްކަތް އަދިވެސް ފުލުހުން ކުރަމުންދާ ކަމަށެވެ.
