ރައީސް އިބްރާހިމް މުހައްމަދު ސާލިހު، ށ. ފޯކައިދޫ ފެނާއި ނަރުދަމާގެ ނިޒާމް އިފްތިތާހުކޮށްދެއްވައިފިއެވެ.
އެ ރަށުގެ ބޯފެން ރައްކާކުރުމުގެ އަމަލީ މަސައްކަތް ނިމި 24 މާރިޗު 2022ގައި ވަނީ ފެނަކައާ ސިސްޓަމް ހަވާލުކޮށްފައެވެ.
ށ. ފޯކައިދޫގެ ނަރުދަމާއާއި ފެނުގެ ނިޒާމް ގާއިމްކުރުމަށް 16.9 މިލިއަން ރުފިޔާގެ އަގަކަށް ހަވާލުކޮށްފައިވަނީ 2019 ވަނަ އަހަރުގެ ޖޫން މަހުއެވެ.
މީގެ އިތުރުން އެ ރަށުގެ ބޯފެން ރައްކާކުރުމުގެ އަމަލީ މަސައްކަތް ނިމި 24 މާރިޗު 2022ގައި ފެނަކައާއި ސިސްޓަމް ހަވާލުކޮށްފައިވެއެވެ.
އަދި 23 މެއި 2022ގައި އޮޕަރޭޓިންގ ލައިސަންސް ފެނަކައަށް ވަނީ ދޫކޮށްފައެވެ.
ފެނާއި ނަރުދަމާފަދަ އަސާސީ ޚިދުމަތްތައް ރާއްޖޭގެ ހުރިހާ ރަށެއްގައި ގާއިމްކޮށްދިނުމަކީ ސަރުކާރުން އެންމެ އިސްކަން ދެއްވާ ސިޔާސަތުތަކުގެ ތެރޭގައި ހިމެނޭ ކަމެކެވެ.
