ޓޭބަލް ޓެނިސް ވޯލްޑްކަޕް ދޯހާގައި
3 ޖުލައި 2023 | ހޯމަ 02:28މެންބަރު ގައުމުތަކުގެ ތެރެއިން ގަތަރަށް 57 ގައުމުގެ ވޯޓު ލިބުނު
ޓޭބަލް ޓެނިސް ކުޅެނީ
ޓޭބަލް ޓެނިސް ވޯލްޑްކަޕް 2025 ބާއްވާނީ ގަތަރުގެ ވެރިރަށް ދޯހާގައި ކަމަށް ނިންމައިފި އެވެ.
އިންޓަނޭޝަނަލް ޓޭބަލް ޓެނިސް ފެޑަރޭޝަނުން މި ގޮތަށް ނިންމީ ޖޯޑަންގެ އައްމާންގައި ބޭއްވި އެ ޖަމާއަތުގެ އަހަރީ އާއްމު ޖަލްސާގައި ވޯޓު ނަގައިގެންނެވެ.
އެންމެ ފަހުގެ ފީފާ ވޯލްޑްކަޕް ފުޓްބޯޅަ މުބާރާތް ވެސް ބޭއްވި ގަތަރުން މިބިޑް ކާމިޔާބުކުރީ ސްޕޭނާ ވާދަކޮށްގެންނެވެ. ވޯޓުގައި ބައިވެރިވި ޓޭބަލް ޓެނިސް މެންބަރު ގައުމުތަކުގެ ތެރެއިން ގަތަރަށް 57 ގައުމުގެ ވޯޓު ލިބުނެވެ. ސްޕޭނުގެ ވެލެންސިއާގައި މި މުބާރާތް ބާއްވަން ތާއީދު ކުރީ 39 ގައުމަކުންނެވެ.
ޓޭބަލް ޓެނިސް ފެޑަރޭޝަނުން ބުނީ ގަތަރު ވެގެންދިޔައީ މި މުބާރާތް ޖެހިޖެހިގެން ބާއްވަން ޝައުގުވެރިކަން ފާޅުކުރި ފުރަތަމަ ގައުމަށް ކަމަށެވެ. އަދި މެދުއިރުމަތީގެ ކުޅިވަރު ހަބެއްގައި މި މުބާރާތް ބޭއްވޭތީ އުފާކުރާ ކަމަށެވެ.
ޓޭބަލް ޓެނިސް ވޯލްޑް ޗެމްޕިއަންޝިޕް އެންމެ ފަހުން ބޭއްވީ އެމެރިކާގައި 2021 ވަނަ އަހަރުއެވެ. މި މުބާރާތް މި އަހަރު ބާއްވާނީ ދެކުނު އެފްރިކާގަ އެވެ. އަންނަ އަހަރު މުބާރާތް ބާއްވާނީ ދެކުނު ކޮރެޔާގަ އެވެ.
