އިންޓަ އޮފީސް ކޮމްޕެނީ ޓޭބަލް ޓެނިސް މުބާރާތް ފަށައިފި

ޓޭބަލް ޓެނިސް އެސޯސިއޭޝަނުން އިންތިޒާމްކޮށްގެން ކުރިއަށްގެންދާ 9 ވަނަ އިންޓަރ އޮފީސް ކޮމްޕެނީ ޓޭބަލް ޓެނިސް މުބާރާތް ފަށައިފި އެވެ.

އާދިއްތަ ދުވަހުގެރޭ ފެށި މި މުބާރާތް ހުޅުވުމުގެ ރަސްމިއްޔާތު ޝަރަފުވެރި ކޮށްދެއްވީ ދިވެހި ރާއްޖެއަށް ޗައިނާއިން ކަނޑައަޅާފައިވާ ސަފީރު ވަން ފުކާންގް އެވެ.

މި މަހުގެ 17 ވަނަ ދުވަހުގެ ނިޔަލަށް ކުރިއަށްދާ މި މުބާރާތުގައި ފުރަތަމަ ޑިވިޝަނާއި ދެވަނަ ޑިވިޝަނުގެ ކުޅުން ކުރިއަށްގެންދިޔުމަށް ވަނީ ހަމަޖެހިފަ އެވެ.

ޓޭބަލް ޓެނިސް އެސޯސިއޭޝަނުން ބުނީ މި މުބާރާތުގެ ދެ ޑިވިޝަނުގައި ފިރިހެން ޓީމު އިވެންޓާއި އަންހެން ޓީމު އިވެންޓުގެ ކުޅުން ކުރިއަށްދާނެ ކަމަށެވެ.

މި މުބާރާތުގެ މެޗުތައް ކުރިއަށްދާނީ ކޮންމެ ރެއަކުވެސް 7:00 އިން 11:00 އަށް ޒުވާނުންގެ މަރުކަޒުގެ ޓީޓީ ހޯލުގަ އެވެ.