ކ. މާލެ
|
23 ޖޫން 2023 | ހުކުރު 00:40
ގުންޑޮގާން
ގުންޑޮގާން
ޓްވީޓަރ
ބާސެލޯނާ
ހިލޭ ޓްރާންސްފާއެއްގައި ގުންޑޮގާން ބާސެލޯނާ އާ ގުޅެނީ
 
ގުންޑޮގާން ސޮއިކުރުމަށް ހަމަޖެހިފައިވަނީ ދެ އަހަރު ދުވަހުގެ އެއްބަސްވުމެއްގައި

ހިލޭ ޓްރާންސްފާއެއްގައި ގުންޑޮގާން ސޮއިކުރުމަށް ބާސެލޯނާއިން މެންޗެސްޓާ ސިޓީއާއެކު އެއްބަސްވުމަކަށް އަތުވެއްޖެކަމަށް ރިޕޯޓުތަކުން ބުނެފިއެވެ.

ރިޕޯޓުތަކުން ބުނާގޮތުން އުމުރުން 32 އަހަރުގެ ގުންޑޮގާން ބާސާއާއެކު ސޮއިކުރުމަށް ހަމަޖެހިފައިވަނީ ދެ އަހަރު ދުވަހުގެ އެއްބަސްވުމެއްގައެވެ. އަދި ތިން ވަނަ އަހަރަށް އިތުރުކުރުމުގެ އިހުތިޔާރާއެކުއެވެ. ސިޓީގައި ހޭދަކުރި ހަތް ސީޒަންގެ މުއްދަތު އިތުރުކުރަން ހުށަހެޅި ހުށަހެޅުމާއި ޕްރިމިއާ ލީގުގެ އާސެނަލް އާއި ސައުދީ އަރަބިއްޔާގެ ކްލަބްތަކުން ހުށަހެޅި ހުށަހެޅުންތައް އޭނާ ވަނީ ބަލައިނުގަނެފައެވެ.

ބާސެލޯނާއަށް މިހާރު ދިމާވެފައިވާ މާލީ މައްސަލަތަކުގެ ސަބަބުން މިއަހަރު އެއްބަސްވުމުގެ މުއްދަތު ހަމަވާ ކުޅުންތެރިންނަށް ބެލުމަށްފަހު، ގުންޑޮގާން ހޯދުމުގެ މަސައްކަތް ފެށީ މާޗް މަހު އެވެ.

Advertisement

ގުންޑޮގާން ގެނައުމަށް ބާސާއިން ނިންމީ މި ސީޒަނުގައި މެސީ ގެނައުމަށް ކުރި މަސައްކަތް ނާކަމިޔާބުވުމުންނެވެ. ޒަވީ ގަބޫލު ކުރާ ގޮތުގައި ޓީމުގެ މެދުތެރޭގެ އުފެއްދުންތެރިކަން އިތުރުކުރަން ޖެހެއެވެ. އަދި މިދިޔަ ސީޒަނުގައި ޕެޑްރީއަށް އަނިޔާވުމާ ގުޅިގެން ޓީމަށް އޭގެ އަސަރު ކުރިކަމަށް ޒަވީ ބުންޏެވެ.

ޖަރުމަނުގެ މިޑްފީލްޑަރު ވަނީ މި ސީޒަނުގައި ކުޅުނު 51 މެޗުގައި 11 ލަނޑު ކާމިޔާބުކޮށް، އެފްއޭ ކަޕްގެ ފައިނަލުގައި މެންޗެސްޓާ ޔުނައިޓެޑާ ދެކޮޅަށް ކުޅުނު މެޗުގައި ޖެހި ދެ ގޯލާއެކު މޮޅު ކުޅުމެއް ދައްކައިފަ އެވެ. އޭނާ ސިޓީ ދޫކޮށްލީ ޕްރިމިއާ ލީގުގެ ފަސް ތަށި އަދި ޖުމްލަ 14 ތަށި ހޯދުމަށް ފަހު އެވެ.

ގުންޑޮގަން މެންޗެސްޓާ ސިޓީ ދޫކޮށްލަނީ ސިޓީގެ ތާރީހީ ޓްރެބަލް ހޯދި ޓީމުގެ ކެޕްޓަންކަން ކުރުމަށްފަހުއެވެ.

Advertisement
އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް