އަދާލަތު ޕާޓީގެ ރައީސް އިމްރާން ޕާޓީގެ މެންބަރުންނާ ބައްދަލުކުރައްވައިފި
17 ޖޫން 2023 | ހޮނިހިރު 06:38ކުރިއަށް އޮތް ރިޔާސީ އިންތިޚާބާއި ގުޅޭގޮތުން މަޝްވަރާ ކުރެއްވި
އަދާލަތު ޕާޓީގެ ރައީސް އިމްރާން ޕާޓީގެ މެންބަރުންނާއެކު ބޭއްވެވި ބައްދަލުކުރެއްވުމުގެ ތެރެއިން
އަދާލަތު ޕާޓީގެ ރައީސް އައްޝައިޚް އިމްރާން އަބްދުالله ޕާޓީގެ މެންބަރުންނާ ބައްދަލުކުރައްވައިފިއެވެ.
ހުކުރު ދުވަހުގެ ކުރިއަށް ގެންދިޔަ މި ބައްދަލުކުރެއްވުން އެއްގަޑިއިރަށް ވުރެ ދިގުދެމިގެން ދިޔައެވެ.
މިބައްދަލުކުރެއްވުމުގައި އިމްރާން ވަނީ މެންބަރުންނާއި ވާހަކަދައްކަވައި ހިޔާލު ބަދަލުކުރައްވާފައެވެ. އަދި މެންބަރުންގެ ހިޔާލުތައް ވެސް ހުށަހަޅުއްވާ މަޝްވަރާ ކުރައްވާފައިވެއެވެ.
މި މަޝްވަރާ ބައްދަލުކުރެވުމުގައި ބޮޑަށް އަލިއަޅުވާލާފައިވަނީ ކުރިއަށް އޮތް ރިޔާސީ އިންތިޚާބަށެވެ. އިންތިޚާބުގައި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހަށް ކެމްޕޭން ކުރާނެ ގޮތާއި، މަސައްކަތްތައް ކުރިއަށް ގެންދާނެ ގޮތްތަކުގެ މައްޗަށެވެ.
މި ބައްދަލުކުރެއްވުމާއި ގުޅޭގޮތުން އިމްރާން ވިދާޅުވީ އިންތިޚާބުގެ ކެމްޕޭނަށް ވަރަށް ބޮޑަށް ތައްޔާރުވެފައިވާ ކަމަށާއި، މިމަސައްކަތުގައި ޕާޓީ ހުރިހާ މެންބަރުންގެ އެއްބާރުލުން ބޭނުންވާ ކަމަށެވެ.
