ހަތް ޓީމާއެކު ކެންދޫ ފުޓްބޯލް ޗެލެންޖް ފަށައިފި
މިއީ ކެންދޫ ކައުންސިލުން ބާއްވާ ހަވަނަ މުބާރާތް
ކެންދޫ ކައުންސިލް ކަޕް، މިނިސްޓަރު މަޚުލޫފާއި ކައުންސިލް ރައީސް އިފްތިތާހުކޮށްދެއްވަނީ: ފޮޓޯ-އަހުމަދު ޝާހިލް
ހަތް ޓީމާއެކު ބ. ކެންދޫ ފުޓްބޯލް ޗެލެންޖް ފަށައިފިއެވެ.
މިސަރުކާރުން ކެންދޫގައި އަޅައިދިން ބޮޑު ޓާފް ފުޓްބޯޅަ ދަނޑުގައި ބުރާސްފަތި ދުވަހު މުބާރާތް ފައްޓަވައިދެއްވީ ޔޫތު މިނިސްޓަރު އަހުމަދު މަޚުލޫފެވެ. ކެންދޫގެ ޓީމްތައް ވާދަކުރާ މުބާރާތް ފެށުމުގެގޮތުން ކުޅުނީ ސްކޫލް ދަރިވަރުންގެ ޗެރިޓީ މެޗެކެވެ. މިއީ ކެންދޫ ކައުންސިލުން އިންތިޒާމްކުރާ މުބާރާތެކެވެ. މިއީ އެގޮތުން ބާއްވާ ހަވަނަ މުބާރާތެވެ. ކޮވިޑާ ގުޅިގެން މެދުކެނޑުނު މުބާރާތް އަލުން ފެށީ ރީބްރޭންޑްކޮށް، ބަދަލުތަކަކާއެކުގައެވެ. މިއީ ކެންދޫ ޓާފް ފުޓްބޯޅަ ދަނޑުގައި ކުޅޭ ފުރަތަމަ މުބާރާތެވެ.
މުބާރާތުގެ ހަތް ޓީމް ވަނީ ދެ ގްރޫޕަކަށް ބަހާލާފައެވެ. ކޮންމެ ގްރޫޕަކުން އެއްވަނަ އަދި ދެވަނަ ޓީމް ސެމީފައިނަލަށް ދަތުރުކުރާނެއެވެ. މުބާރާތުގެ ފައިނަލް މެޗު ކުޅޭނީ މިމަހުގެ 29 ވަނަ ދުވަހުއެވެ. ޗެމްޕިއަން ޓީމަށް ކަނޑައަޅާފައިވަނީ 30,000 ރުފިޔާއެވެ.
