ޤުރުޢާން ހިފްޡުކޮށްފައިވާ 3 ދަރިވަރަކަށް އައްޑޫސިޓީ ކައުންސިލްގެ ފަރާތުން ޓްރޮފީ ހަވާލުކޮށްފި
ޙިފްޡު ކޮމެޓީ އައްޑޫގައި އިފްތިތާޙްކޮށްފައިވަނީ 29 އޮކްޓޯބަރު 2022ގައި
އައްޑޫސިޓީ ހިފްޡު އިމްތިހާނު ނިންމުގެ ރަސްމިއްޔާތުގެ ތެރެއިން
ޤުރުޢާން ހިފްޡުކޮށް އިމްތިހާނު ފުރިހަމަކޮށްފައިވާ 3 ދަރިވަރަކަށް އައްޑޫސިޓީ ކައުންސިލްގެ ފަރާތުން ޓްރޮފީ، ހަނދާނީ ލިޔުން އަދި ފައިސާގެ އިނާމު ދެއްވައިފި އެވެ. އައްޑޫސިޓީ ކައުންސިލްގައި ބޭއްވި، ހިފްޡު އިމްތިހާނު ނިންމުގެ ރަސްމިއްޔާތުގެ މި ފަރާތްތަކަށް ޓްރޮފީ ހަވާލުކޮށްދެއްވީ އައްޑޫސިޓީގެ މޭޔަރ އަލީ ނިޒާރުއެވެ.
މިރަސްމިއްޔާތުއި ޙަސަން ނަސީރު، ޒިޔުރިކް/ސ.ހިތަދޫ، މަރްޔަމް މުޙައްމަދުދީދީ، މުއްތުސަންބާގެ/ސ.ހިތަދޫ، ފާޠިމަތުދީދީ، ޝެވިލް/ސ.ހިތަދޫ ވަނީ ޤުރުޢާން ހިފްޡުކޮށް އިމްތިހާނު ފުރިހަމަކޮށްފައެވެ. ޙިފްޡު ކޮމެޓީ އައްޑޫގައި އިފްތިތާޙްކޮށްފައިވަނީ 29 އޮކްޓޯބަރު 2022ގައި ނާއިބްރައީސް ފައިސަލް ނަސީމްއެވެ. އައްޑޫސިޓީގައި ފުރަތަމަ ދަސްކިޔާ ސަނަދު ޙާސިލްކުރީ ސ.ހިތަދޫ/ދެގާ އަލްޙާފިޡު މަސޫން މުޙައްމަދު ޙުސްނީ އެވެ.
މިހާތަނަށް އައްޑޫސިޓީގައި ޙިފްޡުކޮމެޓީއަށް ދަސްކިޔައިދީ ޙާފިޡުކަމުގެ ސަނަދު ޙާސިލް ކުރެއްވީ ޖުމްލަ 7 ބޭފުޅުންނެވެ. އޭގެ ތެރޭގައި އަންހެން ،3 ފިރިހެން 4 އަދި 18އަހަރުންދަށުގެ 1ކުއްޖަކު ހިމެނެއެވެ.
މިހާތަނަށް ހާފިޒު ކަމުގެ ސަނަދު ހާސިލްކޮށްފައިވާ ބޭފުޅުންނަކީ:
1- މަސޫން މުޙައްމަދު ޙުސްނީ، ދެގާ/ސ.ހިތަދޫ
2- މުޙައްމަދު ފަލާޙް ސާލިޙް، އިތާމުތްގެ/ސ.ހިތަދޫ
3- ފާޠިމަތު ޙަސަން، ރޯޒްބޯލް/ސ.ހިތަދޫ
4- މުޙައްމަދު އައިދިން ނަޖުމީ، ކަށިމާގެ/ސ.މަރަދޫ
5- ޙަސަން ނަސީރު، ޒިޔުރިކް/ސ.ހިތަދޫ
6- މަރްޔަމް މުޙައްމަދުދީދީ، މުއްތުސަންބާގެ/ސ.ހިތަދޫ
7- ފާޠިމަތުދީދީ، ޝެވިލް/ސ.ހިތަދޫ
ޙާފިޡުން އިމްތިހާނުކުރާ ކޮމެޓީގައި ތިއްބަވަނީ އަލްޙާފިޡު މުޙައްމަދު ސާލިޙް އަޙުމަދުއާއި، އަލްޙާފިޡު ޙުސައިން ޢަލީ، އަލްޙާފިޡު އިބްރާހިމް ޝިހާބު، އަލްޙާފިޡު މުޙައްމަދު ރޫޙުލް އަމީން އަދި އަލްޙާފިޡު ޙުސައިން އިބްރާހީމް އެވެ.
ޙާފިޡުން އިމްތިހާނުކުރާ ކޮމެޓީގެ އިދާރީ އެންމެހާ ކަންކަން ކީރިތި ޤުރުއާނާބެހޭ ޤައުމީ މަރުކަޒުގެ ބެއްލެވުމުގެ ދަށުން އިންތިޒާމްކޮށް ބަލަހައްޓަވަނީ ކައުންސިލް އިދާރާގެ އެޑްމިން ސެކްޝަނުން އަޙުމަދު ޢަލީ އެވެ.
