ފަލަސްތީނާ އެކު އޮތް ގުޅުންތައް އާ ހަރުފަތަކަށް ގެންދިއުމަށް ޗައިނާ އޮތީ ތައްޔާރަށް
ޗައިނާ އާއި ފަލަސްތީނަކީ އާދަޔާ ހިލާފު ރަހުމަތްތެރިކަމެއް އޮންނަ ދެ ފަރާތް
ފަލަސްތީން ގެ ރައީސް މަހްމޫދް އައްބާސް އަދި ޗައިނާގެ ރައީސް ޝީ ސަލާމް ކުރައްވަނީ
ފަލަސްތީނާ އެކު އޮތްގުޅުންތައް އާ ހަރުފަތަކަށް ގެންދިއުމަށް ޗައިނާ އިން ތައްޔާރަށް އޮތްކަން ހާމަކޮށްފިއެވެ.
ފަލަސްތީނުގެ ރައީސް މަހްމޫދު އައްބާސްގެ ރަސްމީ ދަތުރުފުޅާ ގުޅޭ ގޮތުން ވާހަކަ ދެއްކުމަށް ބޭއްވި ނޫސްވެރިންގެ ބައްދަލުވުމެއްގައި ޗައިނާގެ ޚާރިޖީ ވުޒާރާގެ ތަރުޖަމާނު ވަންގް ވެންބިން ވިދާޅުވީ ފަލަސްތީނާއެކު މަސައްކަތް ކުރަން ޗައިނާ އޮތީ ތައްޔާރަށް ކަމަށެވެ.
ވަންގް ވިދާޅުވީ ރައީސް އައްބާސް އަކީ ޗައިނާ ރައްޔިތުންގެ ޒަމާންވީ އަދި ގާތް ރަހުމަތްތެރިއެއް ކަމަށެވެ. އަދި އަރަބި ގައުމުތަކުން މި އަހަރު ޗައިނާއަށް ވަދައިގަންނަވާ ފުރަތަމަ ލީޑަރަކީ މަހުމޫދު އައްބާސްކަމުން، ޗައިނާ-ފަލަސްތީނުގެ ގުޅުމުގެ ފެންވަރު މަތިކަން ހާމަކޮށްދޭ ލީޑަރަކަށް ވާނެ ކަމަށެވެ.
ތަރުޖަމާނު ވިދާޅުވީ މެދުއިރުމަތީގެ މައްސަލައިގެ އަޑީގައި އޮތް ފަލަސްތީނުގެ މައްސަލައަކީ ބައިނަލްއަގްވާމީ އިންސާފުވެރިކަމާއި އަދުލު އިންސާފުގެ އިތުރުން ސަރަހައްދީ ސުލްހަ އާއި ހަމަޖެހުމަށް ވެސް އަސަރުކުރާ މައްސަލައެއް ކަމަށެވެ.
ރައީސް އައްބާސް ޗައިނާއަށް ވަޑައިގަންނަވާނީ ޖޫން މަހުގެ 13 އިން 16 އަށް ޗައިނާގެ ރައީސް ޝީ ޖިންޕިންގެ ދައުވަތަކަށެވެ.
