އާޖެންޓީނާ ޓީމުން ގާނާޗޯއަށް ޖާގަ ލިބިއްޖެ
އޭނާ ވަނީ އާޖެންޓީނާގެ 20 އަހަރުން ދަށުގެ ޓީމުގައިވެސް ރަނގަޅު ކުޅުމެއް ދައްކާފަ
ގާނާޗޯ ޔުނައިޓެޑަށް ލަނޑެއް ޖަހައިދިނުމަށްފަހު: ފޮޓޯ-ގާނާޗޯ ޓްވީޓަރ
މެންޗެސްޓާ ޔުނައިޓެޑުގެ ޒުވާން ތަރި، އަލެހަންދްތޯ ގާނާޗޯ އަށް އާޖެންޓީނާ ޤައުމީ ޓީމުން ޖާގަ ލިބިއްޖެއެވެ.
އާޖެންޓީނާ ސީނިއާ ޓީމުގައި ފުރަތަމަ މެޗު ކުޅެން ގާނާޗޯ ތައްޔާރުވެފައިވާއިރު، ކޯޗު ލިއޮނަލް ސްކަލޯނީ ވަނީ ޒުވާން ކުޅުންތެރިޔާއަށް ގޭމް ޓައިމް ދޭނެ ކަމަށް ވައުދުވެފައެވެ. ރަނގަޅު ކުޅުމެއް ދައްކަމުން އައި ގާނާޗޯގެ ކަކުލަށް އަނިޔާވެ ކުޅުމާ ދުރަށް ދާން ޖެހުނުނަމަވެސް، އަނިޔާއިން ރަނގަޅުވެ، އެފްއޭ ކަޕު ފައިނަލުގައި ސިޓީ އާ ދެކޮޅަށް ބަދަލު ކުޅުންތެރިއެއްގެ ގޮތުގައި ނިކުމެ މޮޅު ކުޅުމެއް ދައްކާފައިވެއެވެ.
ސްޕެއިންގެ މެޑްރިޑަށް އުފަންވި ނަމަވެސް، އޭނާގެ މަންމަ އަކީ އާގެންޓީނާގެ ރައްޔިތަކަށްވުމުން އާޖެންޓީނާއަށް ކުޅުމުގެ ފުރުސަތު ލިބެއެވެ. އޭނާ ވަނީ އާޖެންޓީނާގެ 20 އަހަރުން ދަށުގެ ޓީމުގައިވެސް ރަނގަޅު ކުޅުމެއް ދައްކާފައެވެ.
އާގެންޓީނާ އިން ޖޫން މަހުގެ 15 ވަނަ ދުވަހު އޮސްޓްރޭލިއާ އާއެކު އެކުވެރިކަމުގެ މެޗެއް ކުޅޭނެއެވެ. އެ މެޗުގައި ގަނާޗޯ ފެންނާނެކަމަށް ބެލެވެއެވެ.
