އައްޑޫސިޓީގައި ލޭބާ ރިލޭޝަންސް އޮތޯރިޓީގެ ޑެސްކެއް ގާއިމުކުރަން ނިންމާ ވަޒީފާގެ ފުރުސަތު ހުޅުވާލައިފި
ލޭބާ ރިލޭޝަންސް އޮފިސަރުގެ މަގާމަށާއި އެސިސްޓަންޓް އިންސްޕެކްޝަން އޮފިސަރުގެ މަގާމަށް ވަނީ އިއުލާންކޮށްފައި
އައްޑޫސިޓީގައި ލޭބާ ރިލޭޝަންސް އޮތޯރިޓީގެ ޑެސްކެއް ގާއިމުކުރަން ނިންމުން
އައްޑޫސިޓީގައި ލޭބާ ރިލޭޝަންސް އޮތޯރިޓީގެ ޑެސްކެއް އައްޑޫގައި ގާއިމުކުރަން ނިންމާ އެތަނުގައި ވަޒީފާގެ ފުރުސަތުތައް ހުޅުވާލައިފި އެވެ.
އައްޑޫސިޓީ ކައުންސިލް އާއި ލޭބަރ ރިލޭޝަންސް އޮތޯރިޓީއާއި ދެމެދު މެއި މަހުގެ 30 ވަނަ ދުވަހު ވެވުނު އެއްބަސްވުމުގެ ދަށުން، ލޭބަރ ރިލޭޝަންސް އޮތޯރިޓީގެ ޑެސްކެއް އައްޑޫސިޓީގައި ޤާއިމުކޮށް، ލޭބަރ ރިލޭޝަންސް އޮތޯރިޓީގެ މުވައްޒަފުން އައްޑޫސިޓީ ކައުންސިލްގެ އިދާރާގައި މަސައްކަތް ކުރުމަށް ވަނީ ނިންމާފައެވެ.
ލޭބަރ ރިލޭޝަންސް އޮތޯރިޓީން ކޮށްފައިވާ އިއުލާނުގައި ވަނީ ދެ މަގާމަކަށް ކުރިމަތިލާން ފުރުޞަތު ހުޅުވާލާފައެވެ. އެއީ ލޭބާ ރިލޭޝަންސް އޮފިސަރުގެ މަގާމަށާއި އެސިސްޓަންޓް އިންސްޕެކްޝަން އޮފިސަރުގެ މަގާމަށެވެ. މި ދެ މަގާމަށް ޝައުގުވެރިވާ މީހުން ވަޒީފާއަށް ކުރިމަތިލުމުގެ ކުރުމުގެ ފުރުސަތު ހުޅުވާލާފައި ވަނީ މި މަހުގެ 15 އާ ހަމައަށެވެ.
މިދެ މަގާމުގެ ޝަރުތުތަކުގެ ތެރޭގައި ލޯ، ޝަރީއާ އެންޑް ލޯ، ހިއުމަން ރިސޯސް މެނޭޖްމަންޓް، ބިޒްނެސް މެނޭޖްމަންޓް/ބިޒްނެސް އެޑްމިނިސްޓްރޭޝަން ނުވަތަ ޕަބްލިކް އެޑްމިނިސްޓްރޭޝަންގެ ދާއިރާ އިން ލެވެލް 4 ގެ ސަނަދެއް އޮތުން ހިމެނޭއެވެ.
އައްޑޫސިޓީ ކައުންސިލް އާއި ލޭބަރ ރިލޭޝަންސް އޮތޯރިޓީއާއި ދެމެދު ވެވުނު މިއެއްބަސްވުމުގެ ދަށުން ހުށަހެޅޭ މައްސަލަތައް ގާތުން ބަލައި އަވަސް ފިޔަވަޅުތައް އެޅޭނެ ނިޒާމެއް ޤާއިމްކުރުމަށްވަނީ ހަމަޖެހިފައެވެ.
