ރެލިގޭޓް ވުމުން ސޭމް އެލަޑައިސް ލީޑްސް ދޫކޮށްލައިފި

ސޭމް އެލަޑައިސްގެ ކޯޗުކަމުގެ ދަށުން ހަތަރު މެޗު ކުޅުމަށްފަހު ލީޑްސް ޔުނައިޓެޑް ރެލިގޭޓް ވުމުން ޓީމު ދޫކޮށްލައިފިއެވެ.

68 އަހަރުގެ ކޯޗުގެ ދަށުން ކުޅުނު ހަތަރު މެޗުގެ ތެރެއިން ތިން މެޗުން ބަލިވެ، އެއް މެޗު ވަނީ އެއްވަރުވެފައެވެ. އެލަޑައިސް ބުނީ ލީޑްސް ފަދަ ޓީމަކަށް ކޯޗުކަން ކުރަން ލިބުމަކީ ލިބުނު ޝަރަފެއް ކަމަށާ، ލީޑްސް އަކީ ޕްރިމިއަރ ލީގުގައި ކުޅެން ޖެހޭ ޓީމެއް ކަމަށެވެ. ލީޑްސް އިން ނެރުނު ބަޔާނެއްގައި ބުނެފައިވަނީ ޓީމުން ވަރަށް އަވަހަށް އައު ކޯޗެއް އިއުލާނުކުރާނެކަމަށެވެ.

2020-21 ވަނަ އަހަރު ވެސްޓް ބްރޮމްވިޗް އަލްބިއަންއާ އެކު ކޯޗުކަމުގެ ކެރިއަރުގެ ފުރަތަމަ ޓޮޕް ފްލައިޓް ރެލިގޭޝަނަށް ފަހު ހެޑް ކޯޗަކަށް ނުވި ތަޖުރިބާކާރު އެލާޑައިސް ވަނީ ފުރަތަމަ ނޫސްވެރިންގެ ބައްދަލުވުމުގައި ސުރުޚީތައް ދަމައިގަނެފައެވެ. އެލަޑައިސް ބުނީ އޭނާ އަކީ ލިވަޕޫލްގެ ކޯޗު ޔާގަން ކްލޮޕް އާއި އާސެނަލްގެ މިކެލް އާޓެޓާ އަދި ސިޓީގެ ޕެޕް ގާޑިއޯލާއާ އެއްވަރު ކޯޗެއް ކަމަށެވެ.

ލީގު ފަހު މެޗުގައި ޓޮޓެންހަމް ކައިރިން 4-1 ން ބަލިވެ، ލީޑްސް ސީޒަން ނިންމާލީ ތާވަލުގެ 19 ވަނައިގައެވެ.