އާސެނަލް އެއްވަނައިގައި ހަމަޖެހިލައިފި

އިނގިރޭސި ޕްރިމިއަރ ލީގުގައި ލީޑްސް ޔުނައިޓެޑް ބަލިކޮށް ތާވަލުގެ އެއްވަނައިގައި އާސެނަލް ރަނގަޅު ލީޑެއް ނަގައިފިއެވެ.

ލީޑްސްގެ ދަނޑުގައި އާދީއްތަ ދުވަހު ކުޅުނު މެޗު އާސެނަލް ކާމިޔާބުކުރީ 1-0ންނެވެ. މެޗުގެ ހަމައެކަނި ލަނޑު ފުރަތަމަ ހާފުގެ 35 ވަނަ މިނެޓުގައި އާސެނަލްއަށް ކާމިޔާބުކޮށްދިނީ ބުކާޔޯ ސަކާއެވެ.

މި ނަތީޖާއާއެކު އާސެނަލް ތާވަލުގެ އެއްވަނާގައި އޮތީ 10 މެޗުން 27 ޕޮއިންޓު ހޯދައިގެންނެވެ. ދެވަނާގައި މެންޗެސްޓަރ ސިޓީ އޮތްއިރު, ތިންވަނައިގައި އޮތީ ޓޮޓެންހަމްއެވެ.

ޕްރިމިއަރ ލީގުގައި މެންޗެސްޓަރ ޔުނައިޓެޑާއި ނިއުކާސަލް ބައްދަލުކުރި މެޗު ނިމުނީ އެއްވެސް ޓީމަކަށް ލަނޑެއް ނުޖެހި އެއްވަރު ވެގެންނެވެ. މި ނަތީޖާއާއެކު މެންޗެސްޓަރ ޔުނައިޓެޑް އޮތީ 16 ޕޮއިންޓާއެކު ތާވަލުގެ ފަސްވަނައިގައެވެ. ޔުނައިޓެޑަށްވުރެ އެއް ޕޮއިންޓު މަދުން ލިބުނު ނިއުކާސަލް އޮތީ ހަވަނައިގައެވެ.