ޗެލްސީން ފެލިކްސްއާއެކު އިތުރު އެއްބަސްވުމަކަށް ނުދާން ނިންމައިފި
ޗެލްސީއަށް ކުޅުނު 20 މެޗުން ފެލިކްސްއަށް ޖެހުނީ 4 ލަނޑު
ފެލިކްސްއާއި ޗެލްސީގެ ވަގުތީ ކޯޗު، ލަމްޕާޑް
ކުރިޔަށް އޮތް ސީޒަނުގައި ޔާއޯ ފެލިކްސް ޗެލްސީގައި ބަހައްޓަން މައުރީސިއޯ ޕޮޗެޓީނޯ ބޭނުން ނުވާކަމަށް, އެތުލެޓިކޯ މެޑްރިޑްގެ ރައީސް ވިދާޅުވެއްޖެއެވެ.
ފެލިކްސް އެތުލެޓިކޯ މެޑްރިޑުން ޗެލްސީއާ ގުޅުނީ ޖެނުއަރީ މަހު, ލޯނު އެއްބަސްވުމެއްގެ ދަށުންނެވެ. ލޯނު އެއްބަސްވުމުގެ މުއްދަތަކީ ފަސް މަހަށް ވާއިރު، އެ ޓްރާންސްފަރގެ އަގަކީ ނުވަ މިލިއަން ޕައުންޑެވެ. ނަމަވެސް، 23 އަހަރުގެ ފެލިކްސްއަށް ޗެލްސީގައި އެދެވޭ ކުޅުމެއް ނުދެއްކެއެވެ. ޗެލްސީއަށް އޭނާ ކުޅެދިން ވިހި މެޗުގައި ޖެހިފައިވަނީ ހަތަރު ލަނޑެވެ.
އެތުލެޓިކޯ މެޑްރިޑްގެ ރައީސް ވިދާޅުވީ، ޕޮޗެޓީނޯ ހަވާލުވުމަށްފަހު ޗެލްސީން ފެލިކްސް ބޭނުންނުވާކަމަށެވެ. އަދި ވަރަށް އަވަހަށް އޭނާ އެނބުރި އެތުލެޓިކޯއަށް އަންނާނެކަމަށެވެ. ނަމަވެސް އަދި ފެލިކްސްއާ ދޭތެރޭ އެއްވެސް ގޮތެއް ނުނިންމަވާ ކަމަށް އެތުލެޓިކޯގެ ރައީސް ވިދާޅުވިއެވެ.
ލޯނު އެއްބަސްވުމެއްގެ ދަށުން ފެލިކްސް ޗެލްސީއަށް ދިޔައިރުވެސް އެ ޓީމަށް އެދެވޭ ކުޅުމެއް ނުދެއްކެއެވެ. މިއީ ފަހުގެ ތާރީހެއްގައި ޗެލްސީގެ އެންމެ ނާކާމިޔާބު ސީޒަނެވެ.
