ކ. މާލެ
|
3 ފެބްރުއަރީ 2017 | ހުކުރު 19:53
ސްޓެފަން މާކޮވިޗް (ކ) އާއި އަހުމަދު އަބްދުﷲ (ވ)
ސްޓެފަން މާކޮވިޗް (ކ) އާއި އަހުމަދު އަބްދުﷲ (ވ)
ގޫގުލް
ނިއުރޭޑިއަންޓް ސްޕޯޓްސް ކްލަބް
ނިއުރޭޑިއަންޓަށް އިތުރު ބިދޭސީ ޑިފެންޑަރެއް ގެނެސްފި
 
ޑިފެންޑަރގެ ބޭނުން ނިއުއަށް ހިފޭނީ އެއްކުޅުންތެރިޔަކު ދޫކޮށްލައިގެން
 
އަލަށް ގުޅުނު ޑިފެންޑަރަކީ ސްޓެފަން މާކޮވިޗް

ނިއުރޭޑިއަންޓަށް އިތުރު ބިދޭސީ ޑިފެންޑަރެއް ގެނެސްފިއެވެ.

 

ނިއުއާ އަލަށް ގުޅުނު ޑިފެންޑަރަކީ މޮންޓެނީގްރޯގެ އުމުރުން 29 އަހަރުގެ ސްޓެފަން މާކޮވިޗެވެ.

 

އޭނާވަނީ އެޤައުމުގެ ފުރަތަމަ ޑިވިޝަންގެ ކްލަބްތަކަށް ކުޅެފައެވެ. އަދި ސާބިއާ ސުޕަރލީގުގައި ވެސް އޭނާ ކުޅެފައި ވެއެވެ. އެންމެ ފަހުން އޭނާ ކުޅެފައިވަނީ މޮންޓެނީގްރޯގެ ފުރަތަމަ ޑިވިޝަންގެ ކްލަބެއް ކަމަށްވާ އެފް.ކޭ މޯނާއަށެވެ.

 

ރާއްޖެ އެމްވީއަށް މައުލޫމާތު ދެމުން އަހުމަދު ނިޔާޒް (ޓެޑް) ބުނީ ނިއު އަށް އިތުރު ޑިފެންޑަރެއް މިދިޔަ ބުރާސްފަތި ދުވަހު ގެނެސްފައިވާ ކަމަށެވެ.

 

މި ޑިފެންޑަރު ނިއުއާ ގުޅުނު އިރު މިހާރު ވެސް އެޓީމްގައި ހަތަރު ބިދޭސީ ކުޅުންތެރިން އެބަތިއްބެވެ. މިޑިފެންޑަރގެ ބޭނުން ނިއުއަށް ހިފޭނީ އެއްކުޅުންތެރިޔަކު ދޫކޮށްލައިގެންނެވެ.

 

ޓެޑް ބުނީ އަލަށް ގެނައި ޑިފެންޑަރުގެ ފެންވަރު ސީދާ ނޭންގެ ކަމަށާއި ލިސްޓުގައި ހިމަނާނީ ދެމީހުންގެ ކުޅުމަށް ބަލަފައި ރަންގަޅު ކުޅުންތެރިއެއް ކަމަށެވެ.

 

މައުލޫމާތު ލިބިފައިވާ ގޮތުގައި ނިއުއިން ވަނީ ޗެލްސީގެ ޔޫތު ޓީމަށް ކުޅެފައިވާ ޑިފެންޑަރ ޕަޕޯ ދޫކޮށްލުމަށް ނިންމާފައެވެ. މަތީ ފެންވަރުގައި ޕަޕޯ ކުޅެފައިވީ ނަމަވެސް ، އޭނާގެ އަނިޔާގެ މައްސަލަތައް ބޮޑުކަމަށް ވަނީ މައުލޫމާތު ލިބިފައިވެއެވެ.

 

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް