"ސައުތު އޭޝިއާ ނޭޝަނަލް އޯޒޯން އޮފިސަރސް ނެޓްވަރކް މީޓިންގ" މިއަހަރު ރާއްޖޭގައި

އޯޒޯން ފަށަލައަށް ގެއްލުން ދޭ މާއްދާތައް ނައްތާލުމަށް ޤައުމުތަކުން އެކުގައި މަސައްކަތްކުރުމަށް އެކުލަވާލައިވާ މުއާހަދާގެ "މޮންޓްރިއަލް ޕްރޮޓޮކޯލް"  ދަށުން އޯޒޯން  އޮފިސަރުންނާއި ކަސްޓަމްސް އޮފިސަރުންނާއި  ކަސްޓަމްސް އޮފިސަރުންގެ މެދުގައި ބާއްވާ ބައްދަލުވުންތައް ފަށައިފިއެވެ.

މި ބައްދަލުވުންތަކުގެ ތެރޭގައި ދެކުނު އޭޝިއާގެ އޯޒޯން އޮފިސަރުންގެ ނެޓްވޯރކް މީޓިން އާއި ދެކުނު އޭޝިއާ ސަރަހައްދުގެ ކަސްޓަމްސް އޮފިސަރުންނަށް ބޭއްވޭ ގްރީން ކަސްޓަމްސް އިނީޝިއޭޓިވް ކެޕޭސިޓީ ބިލްޑިންގ ވޯރކްޝޮޕް އަދި 'ޓްވިނިންގ ނޭޝަނަލް އޯޒޯން އެންޑް ކަސްޓަމްސް އޮފިސަރސް ވޯރކްޝޮޕް އޮން އޯ.ޑީ.އެސް/އެޗް.އެފް.ސީ ޓްރޭޑް ކޮންޓްރޯލް އެންޑް ރިޕޯރޓިންގ' ހިމެނެއެވެ.

ޔުނައިޓެޑް ނޭޝަންސް އެންވަޔަރަންމަންޓް ޕްރޮގްރާމް (ޔުނެޕް)ގެ ކޮމްޕްލަޔަންސް އެސިސްޓަންސް ޕްރޮގްރާމް އާއި މިނިސްޓްރީ އޮފް އެންވަޔަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީ ގެ ފަރާތުން އިންތިޒާމު ކޮށްގެން ކުރިއަށް ގެންދާ މި ބައްދަލުވުމުގެ ފެށުމުގެ ރަސްމިއްޔާތު އިފްތިތާޙް ކޮށްދެއްވީ މިނިސްޓަރ އޮފް އެންވަޔަރަންމަންޓް ކްލައިމެޓް ޗޭންޖް އެންޑް ޓެކްނޮލޮޖީ، އާމިނަތު ޝައުނާއެވެ.

5 ދުވަހުގެ މުއްދަތަށް ދެމިގެންދާނެ މި ބައްދަލުވުންތަކުގައި ޔުނެޕް އާއި، މަލްޓިލެޓެރަލް ފަންޑް ގެ ސެކްރެޓޭރިއަޓާއި، އޯޒޯންގެ ސެކްރެޓޭރިއަޓް، ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާމް (ޔޫ.އެން.ޑީ.ޕީ) އާއި، ޔުނައިޓެޑް ނޭޝަންސް އިންޑަސްޓްރިއަލް ޑިވެލޮޕްމަންޓް އޯގަނައިޒޭޝަން (ޔުނިޑޯ)، ބީ.އާރް.އެސް ސެކްރެޓޭރިއަޓް ފަދަ ބައިލެޓެރަލް އޭޖެންސީތައް އަދި ވާރލްޑް ބޭންކްއާއި، ގްރީން ކަސްޓަމްސް އިނީޝިއޭޓިވް، ވޯރލްޑް ކަސްޓަމްސް އޯރގަނައިޒޭޝަން، އިންޓަރޕޮލް، ސަރަހައްދީ ނޭޝަނަލް އޯޒޯން އޮފިސަރުން އަދި ކަސްޓަމްސް އޮފިސަރުން ބައިވެރިވާނެއެވެ. 

މެއި 21 އިން 25 އަށް ރޭވިފައިވާ މި ބައްދަލުވުންތަކުގެ މައިގަނޑު މަޤްސަދަކީ މޮންޓްރިއަލް ޕްރޮޓޮކޯލްގެ ދަށުން އެކި ދާއިރާތަކުން ކުރިއަށް ގެންދާ މަސައްކަތްތަކާ ގުޅޭ ތަޖުރިބާތައް ސައުތު އޭޝިއާ ނެޓްވަރކް ޤައުމުތަކުގެ މެދުގައި ހިއްސާކުރުމާއި، އެ ޕްރޮޓޮކޯލް ތަންފީޒުކުރުމާ ގުޅޭގޮތުން މަޝްވަރާކުރުމެވެ.

އަދި ތިމާވެއްޓާ ގުޅުންހުރި މަލްޓިލޭޓަރަލް އެގްރީމަންޓްތައް ތަންފީޒުކުރުމުގައި ކަސްޓަމްސް އެޑްމިނިސްޓްރޭޝަންގެ ދައުރާ ގުޅޭގޮތުން ކަސްޓަމްސް އޮފިސަރުންނަށް މައުލޫމާތު ދިނުމާއި، އޯޒޯން ޑިޕްލީޓިންގ ސަބްޓެންސަސް (އޯ.ޑީ.އެސް) އަދި އެޗް.އެފް.ސީގެ ވިޔަފާރި އިނޮވޭޓިވް ގޮތްތަކުގެ ތެރެއިން ކޮންޓްރޯލް ކުރުމަށްޓަކައި މޮނިޓަރިންގ އަދި އެންފޯސްމަންޓް މެކޭނިޒަމް ހަރުދަނާކުރުމާ ބެހޭގޮތުން ނޭޝަނަލް އޯޒޯން އޮފިސަރުންނާއި ކަސްޓަމްސް އޮފިސަރުން ތަމްރީނުކުރުމެވެ.