ކ. މާލެ
|
18 މެއި 2023 | ބުރާސްފަތި 14:05
އެމްޑީޕީގެ ޗެއާރޕާސަން ފައްޔާޒު އިސްމާއީލް
އެމްޑީޕީގެ ޗެއާރޕާސަން ފައްޔާޒު އިސްމާއީލް
އެމްޑީޕީ
އެމްޑީޕީއިން ވަކިވި މަޖިލިސް މެންބަރުން
"އެމްޑީޕީއިން ވަކިވި މެންބަރުން ޕާޓީގެ ވަގުތުގައި މަޖިލީހުގައި ވާހަކަދެއްކުން އެއީ ގޮތް ނެތް ކަމުގެ އަމަލެއް، އެއީ ކޮރަޕްޝަން" - ފައްޔާޒް
 
ފައްޔާޒް ވަނީ އެއީ ދެފުށްފެންނަ ގޮތަށް ކަންތައްތައް ކުރާ ބަޔަކު ކަންތައްކުރާނެ ގޮތެއް ނޫން ކަމަށް ވިދާޅުވެފައި
 
އެމްޑީޕީން ވަކިވީ 12 މެންބަރުން

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ވަކިވި މެންބަރުން ޕާޓީގެ ވަގުތުގައި ރައްޔިތުންގެ މަޖިލީހުގައި ވާހަކަދެއްކުން އެއީ ގޮތެއް ނެތް ކަމެއް ކަމަށް އެމްޑީޕީގެ ޗެއާޕަރސަން ފައްޔާޒް އިސްމާއިލް ވިދާޅުވެއްޖެއެވެ.

ބުރާސްފަތި ދުވަހުގެ ޖަލްސާގައި މަޖިލީހުގެ ރައީސް މުހައްމަދު ނަޝީދު ވަނީ 12 މެންބަރަކު އެމްޑީޕީން ވަކިވެފައިވާކަން އިލެކްޝަންސް ކޮމިޝަނުން މަޖިލީހަށް އަންގާފައިވާ ކަމަށް ވިދާޅުވެފައެވެ. އެހެންނަމަވެސް މަޖިލީހުގެ ޤަވާއިދު އޮންނަ ގޮތުން އެ މެންބަރުން ވަކިވިކަން މަޖިލީހަށް އެންގުމަށްޓަކައި މަޖިލީހަށް އަމިއްލަފުޅަށް ސިޓީއެއް ފޮނުއްވަން ޖެހިވަޑައިގަންނަވާނެ ކަމަށް ނަޝީދު ވިދާޅުވިއެވެ.

މީގެ އިތުރުން ބުރާސްފަތި ދުވަހު މަޖިލީހުގައި އެމްޑީޕީއަށް ލިބިފައިވާ ވަގުތުގައި މެންބަރުންނަށް ވާހަކަދައްކަން ފުރުސަތު ދެއްވި އިރު އެ ޕާޓީން ވަކިވި އެ 12 މެންބަރުން ވެސް ހިމަނައިގެން ފުރުސަތު ދެއްވުމުން، މަޖިލީހުގެ ތަޅުން ހޫނުވެ ރިޔާސަތުން ވަނީ ބައެއް މެންބަރުންގެ ނަން ވެސް އިއްވަވާފައެވެ. އަދި ދެ ފަހަރެއްގެ މަތިން މަޖިލީސް މެދުކަނޑާވެސް ލާފައިވެއެވެ.

ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމެއްގައި އެކަމާއި ގުޅޭ ގޮތުން ނޫސްވެރިއަކު ކުރެއްވި ސުވާލަކަށް ޖަވާބުދެއްވަމުން ފައްޔާޒް ވިދާޅުވީ އެމްޑީޕީ ކަމުނުގޮސްގެން އެ ޕާޓީއިން ވަކިވި ބަޔަކު އެމްޑީޕީގެ ވަގުތުގައި ވާހަކަދެއްކުމަކީ ވަރަށް ގޮތެއް ނެތްކަން ދޭހަކޮށްދޭ ކަމެއް ކަމަށެވެ. ޕާޓީގެ ވަގުތު ބޭނުން ކުރުމުގެ ބަދަލުގައި އަމިއްލައަށް ނަމަވެސް އެ ވަގުތު ދޫކޮށްލަންވާނެ ކަމަށް ޤަބޫލުކުރައްވާ ކަމަށް ފައްޔާޒް ވިދާޅުވިއެވެ.

އެ ބޭފުޅުން ވިދާޅުވާ ފަަދަ ޑިމޮކްރެޓިކް ޓްރާންސްޕޭރެންޓް ބައެއް ކަަމަށް ވަންޏާ އެ ވަގުތު ދޫކޮށްލައްވަން ޖެހޭނެ އޭ އަޅުގަނޑު ގަބޫލުކުރަނީ. އެ ވަރުގެ ގޮތެއްގައި ތިބި ނަމަ މި ޕާޓީގެ ބޭފުޅުން އެ ވަގުތު ބޭނުން ކުރުމަކީ ވަރަށް ބޮޑު ކޮރަޕްޝަނެއް. ވަރަށް ބޮޑު ގޯހެއް އެއީ. ދެން މަޖިލިސްގެ ރައީސް އެކަމުގައި އަމަލުކުރެއްވި ގޮތާމެދު މަޖިލީހުގެ ގަވާއިދު ރެފަރ ކުރައްވާފައި ވިދާޅުވީ. އެހެންނަމަވެސް މެންބަރުން ދެއްކެވި ވާހަކަ ޖަޖްކޮށްލައްވަންވީ އާއްމުން އަޅުގަނޑުމެންގެ ޕާޓީގެ ވަގުތުގައި އެ ބޭފުޅުން އެ ވާހަކަދެއްކެވީ.
ފައްޔާޒް އިސްމާއިލް / އެމްޑީޕީގސ ޗެއާޕާރސަން

އެމްޑީޕީއަށް ނިސްބަތްވާ ރައްޔިތުންގެ މަޖިލީހުގެ 12 މެންބަރުން އެ ޕާޓީ އިން އަމިއްލައަށް ވަކިވެފައިވާއިރު މެދުހެންވޭރު ދާއިރާގެ މެންބަރު އަލީ އާޒިމް ވަނީ އެ ޕާޓީއިން ވަކިކޮށްފައެވެ.

އެމްޑީޕީން ވަކިވާން ސިޓީ ހުށަހެޅި މަޖިލިސް މެންބަރުންގެ ތެރޭގައި ހިމެނެނީ މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑޭ)، މައްޗަންގޮޅި އުތުރު ދާއިރާގެ މެންބަރު މުހައްމަދު ރަޝީދު (ބޯދިގު)، އުނގޫފާރު ދާއިރާގެ މެންބަރު މުހައްމަދު ވަހީދު (ވައްޑޭ)، ގދ.ގައްދޫ ދާއިރާގެ އެމްޑީޕީ މެންބަރު އަހްމަދު ޒާހިރު، ހެންވޭރު ހުޅަނގު ދާއިރާގެ މެންބަރު ހަސަން ލަތީފް، ގަލޮޅު އުތުރު ދާއިރާގެ މެންބަރު އީވާ އަބްދުﷲ، ހުޅުދޫ ދާއިރާގެ މެންބަރު އިލްޔާސް ލަބީބް، މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ، ކުޅުދުއްފުށީ އުތުރު ދާއިރާގެ މެންބަރު ޔާސިރު އަބްދުއްލަތީފް، ވިލުފުށީ ދާއިރާގެ މެންބަރު ހަސަން އަފީފް، މަޑަވެލީ ދާއިރާގެ މެންބަރު ހުސެއިން ފިރުޝާން އަދި ތޮއްޑޫ ދާއިރާގެ މެންބަރު ޙަސަން ޝިޔާންއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
33%
0%
0%
0%
0%
67%
ކޮމެންޓް
ގުޅުންހުރި
އަޅުގަނޑު ގެންގޮސް ހައްޔަރުވެސް ކުރަންވީ، ފުރާނަވެސް ދުއްވާލަންވީ، ކުޑަކޮށްވެސް ފަހަތަކަށް ނުޖެހޭނަން- ފައްޔާޒް
މިސަރުކާރުން ސިޔާސީ ލީޑަރުން އެކަނި ހައްޔަރުކޮށްގެން ނުނިންމާނެ، ފަނޑިޔާރުންވެސް ހައްޔަރުކުރާނެ: ރައީސް ޞާލިހު
އަނިޔާވެރި ނުވެވެސް ރައްޔިތުންނަށް ޚިދުމަތް ކުރެވޭނެ ކަމަށް: ރައީސް ޞާލިހު
އާރްޑީސީ ހިޔާނާތުގެ މައްސަލަ: ފައްޔާޒަށް ޗިޓް ފޮނުވައިފި، ވިދާޅުވީ ''އަސާސެއް ނެތް ސިޔާސީ ތުހުމަތުތަކުގެ ސިލްސިލާ ފެށުނީ ކަމަށް''
ރަސްމާލެއަކީ 70 ބިލިއަނަށްވުރެ ގިނަ ރުފިޔާގެ ބޮޑު ކޮރަޕްޝަނެއް، އޭސީސީން އެކަން ބެލެންޖެހޭ - އެމްޑީޕީ
ރާއްޖެއިން ގަތް އަސްކަރީ ޑްރޯނެއްގެ އަގަކީ 2 މިލިއަން ޑޮލަރު، 39 މިލިއަން ޑޮލަރު ޚަރަދުވި ގޮތާ މެދު ސުވާލު އުފެދިއްޖެ
ފެންނަމުން މިދަނީ 2018 ގެ ކުރިން އޮތް ޙާލަތު އެނބުރި އައުމުގެ ނުރައްކާތެރި އިންޒާރެއް: ފައްޔާޒު
އެސް.އޯ.އީ ތަކުގައި މަސައްކަތްކުރާ މުވައްޒަފުން ވަޒީފާއިން ވަކިކޮށް، ވަޒީފާގެ ބިރު ދައްކަމުންދާކަމުގެ އަޑު ގަދަވަނީ