އިސްރާއީލުން ޣައްޒާއަށް ދިން ވައިގެ ހަމަލާތަކުގައި 12 މީހަކު ޝަހީދުކޮށްލައިފިއެވެ.

ރޮއިޓަރސްގައި ބުނެފައިވަނީ އިސްރާއީލުން ޣައްޒާއަށް ދިން ވައިގެ ހަމަލާތަކުގައި ޝަހީދުވެފައިވަނީ އިސްލާމިކް ޖިހާދުގެ އިސް ތިން ކޮމާންޑަރުންނާއި ހަތަރު ކުޑަކުދިންނާއި، އާންމުންގެ ފަސް މީހެކެވެ.

މި ވައިގެ ހަމަލާތަޙަމަލާތައް ދީފައި ވަނީ ދަންވަރުގެ ވަގުތުގައި ޣައްޒާގެ ރައްޔިތުން ނިދާފައި ތިއްބައެވެ. ޝަހީދުކޮށްލާފައިވާ މީހުންގެ ތެރޭގައި ގިނައީ ކުށެއް ނެތް އަންހެނުންނާއި ކުޑަކުދިންނެވެ.

އިސްރާޢީލުން ޣައްޒާއަށް ވަރުގަދަ ވައިގެ ޙަމަލާތަކެއް ދީފައި މި ވަނީ، އިސްރާޢީލުގެ ސިފައިންނަށް އަމާޒުކޮށް ދެމުންދިޔަ ޙަމަލާތައް ވަގުތީ ގޮތުން މެދުކަނޑައިލަން އިސްލާމިކް ޖިހާދުގެ މުޖާހިދުން އެއްބަސްވެފައިވާ ދަނޑިވަޅެއްގައެވެ.

ގަޑިއިރުތަކެއް ވަންދެން ދިން ހަމަލާތަކަށްފަހު، އިސްރާއިލުގެ އަސްކަރީ ފައުޖުން ވަނީ ނާބުލުސްއަށް ވަދެގަނެފައެވެ.

މި ހަމަލާތަކާއި ގުޅިގެން އިސްރާއީލުން ބުނީ ހުޅަނގުގައި ޓެރަރިޒަމް ވޮޗްލިސްޓުގައި ހިމެނޭ އަދި ޣައްޒާގެ ދެވަނައަށް އެންމެ ބޮޑު ހަތިޔާރު އެޅި ނެޓްވޯކަށް ކޮމާންޑްކުރާ އީރާނުގެ ތާއީދު އޮންނަ އިސްލާމިކް ޖިހާދުގެ ތިން ލީޑަރަކަށް ހަމަލާ އަމާޒުކޮށްފައިވާ ކަމަށެވެ.