ފަލަސްޠީނުގެ ހައްގުގައި އަޑު އުފުލި 41 މީހަކު ލަންޑަންގައި ހައްޔަރު ކޮށްފި
މެޓްރޮޕޮލިޓަން ޕޮލިސް އިން ބުނެފައި ވަނީ، މަނާ ކޮށްފައިވާ ޖަމާއަތަކަށް ތާއިދު ކުރުމުގެ ސަބަބުން 41 މީހަކު ހައްޔަރު ކޮށްފައިވާ ކަމަށް.
މީގެ ކުރިން އޮތް އެއްވުމެއްގައި ފުލުހުންނާއި އާންމުންނާ ދެމެދު ހިނގި ކުރިމަތި ލުމުގެ ތެރެެއިން
އިސްރާއީލް އިން ފަލަސްޠީނުގެ ޣައްޒާގައި ހިންގަމުން އަންނަ ހަނގުރާމައިގައި، ފަލަސްޠީނާ އެއްކޮޅަށް އަޑު އުފުލައި ކުރި މުޒާހަރާގައި ލަންޑަން އިން 41 މީހަކު ހައްޔަރު ކޮށްފި އެވެ.
ހުއްދަ ނުހޯދައި އެ މުޒާހަރާ ކޮށްފައިވާ ކަމަށާއި، އެއީ ޓެރަރިޒަށް ޤާނޫނުގެ ދަށުން މަނާ ކޮސްފައިވާ ފަލަސްޠީނިއަން އެކްޝަން ޖަމާއަތަށް ތާއީދު ކުރާތީ ކަމަށް ބުނެ ހައްޔަރު ކޮށްފައިވާ މީހުން ކަމަށް ބުނެފައިވެ އެވެ.
މެޓްރޮޕޮލިޓަން ޕޮލިސް އިން ބުނެފައި ވަނީ، މަނާ ކޮށްފައިވާ ޖަމާއަތަކަށް ތާއިދު ކުރުމުގެ ސަބަބުން 41 މީހަކު ހައްޔަރު ކޮށްފައިވާ ކަމަށެވެ. އަދި އެކަމުގެ ތެރެއިން މާރާމާރީ ހިންގި ކަމުގެ ތުހުމަތުގައި ވެސް މީހަކު ހައްޔަރު ކުރެވިފައިވާ ކަމަށެވެ.
މި މުޒާހަރާ ކުރިއަށް ގެންގޮސްފައި ވަނީ ޕާލަމެންޓް ސްކޮއާގައި މަހާންދަމާ ގާންދީ ބިނާ ކައިރީގަ އެވެ. އެކަމާ ގުޅިގެން ޑިފެންޑް އަވަ ޖޫރީސް އިން ވަނީ، އެ މީހުން ހައްޔަރު ކޮށްފައިވާތީ އެކަމަށް ފާޑު ކިޔައިފަ އެވެ. އެ ޖަމާއަތުން ބުނެފައި ވަނީ ފުލުހުން އެ ފަދަ އަމަލުތައް ހިންގަމުން ދަނީ ކާކަށް ކޮށްދޭ ކަމެއްގައި ތޯ، ނުވަތަ ކޮން ފަރާތެއްގެ ޚިދުމަތުގައި ތޯ ވެސް ސުވާލު އުފެދޭ ކަމަށެވެ.
މިއީ ފާއިތުވި ހަފުތާގެ ތެރޭގައި 29 މީހން ހައްޔަރު ކުރުމަށް ފަހު، ދެ ވަނަ ފަހަރަށް މީހުން ހައްޔަރު ކުރެވުނު ފަހަރެވެ. ފަލަސްޠީނިއަން އެކްޝަން މަނާ ކޮށްފައި ވަނީ މި ހިނގާ ޖުލައި މަހުގެ ފަސް ވަނަ ދުވަހު އެވެ. އޭގެ ފަހުން ފުލުހުން ވަނީ އެ ޖަމާއަތަށް ތާއީދު ކުުރުމަކީ ކުށެއް ކަމަށް ބުނެ އިންޒާރު ވެސް ދީފަ އެވެ.
