ކ. މާލެ
|
9 މެއި 2023 | އަންގާރަ 18:29
މިހާރުވެސް ގޮވާން އުފުލުމަށް ޔޫކްރެއިންގެ ބަނދަރުތަކާ ގާތްނުކުރެވި 90 ބޯޓު އެބައޮތް ކަމަށް ޔޫކްރެއިނުން ބުނޭ
މިހާރުވެސް ގޮވާން އުފުލުމަށް ޔޫކްރެއިންގެ ބަނދަރުތަކާ ގާތްނުކުރެވި 90 ބޯޓު އެބައޮތް ކަމަށް ޔޫކްރެއިނުން ބުނޭ
ރޮއިޓާސް
ރަޝިއާ-ޔޫކްރެއިން ހަނގުރާމަ
ރަޝިއާއިން ބްލެކް ސީ ހުރަސްކޮށް ގޮވާން އެކްސްޕޯޓްކުރުން ހުއްޓުވައިފި: ޔޫކްރެއިން
 
މިކަމުގެ މަޝްވަރާތަކެއް ކުރެވުނުނަމަވެސް މާބޮޑު ކާމިޔާބީތަކެއް ނުލިބޭ
 
މި އެއްބަސްވުން މިމަހުގެ 18 ވަނަ ދުވަހަށް ހަމަވާނެ
 
މިހާރުވެސް މުދާ އުފުލުމަށް ޔޫކްރެއިންގެ ބަނދަރުތަކާ ގާތްނުކުރެވި 90 ބޯޓު އެބައޮތް

ބްލެކް ސީ ހުރަސްކޮށް ޔޫކްރެއިނުން ގޮވާން އެކްސްޕޯޓްކުރުމަށް ވެފައިވާ އެއްބަސްވުން ރަޝިއާއިން ހުއްޓުވާލައިފިކަަށް ޔޫކްރެއިނުން ބުނެފިއެވެ.

މިދިޔަ އަހަރުގެ ފެބްރުއަރީ މަހު ފެށުނު ހަނގުރާމައާއެކު، ރަޝިއާއިން ވަނީ ޔޫކްރެއިނުން ބްލެކް ސީ މެދުވެރިކޮށް އެކްސްޕޯޓްކުރާ ގޮވާން އެކްސްޕޯޓްކުރުން ހުއްޓުވާފައެވެ. މިކަން ހައްލުކުރުމަށް މިދިޔަ އަހަރު ކުރިއަށްދިޔަ މަޝްވަރާ ބައްދަލުވުންތަކަށްފަހު ރަޝިއާއިން ވަނީ ބްލެކް ސީ މެދުވެރިކޮށް ޔޫކްރެއިންގެ ގޮވާން އެކްސްޕޯޓްކުރެވޭނެ މަގު ފަހިކޮށްދޭން އެއްބަސްވެފައެވެ. އަދި ގޮވާން އެކްސްޕޯޓްކުރުމަށް، ތުރުކީއާއި އދ. އިސްވެ އޮވެ، ރަޝިއާއާ ޔޫކްރެއިނާއެކު އެއްބަސްވުންތަކުގައި ވަނީ ސޮއިކޮށްފައެވެ.

އެގޮތުން މިދިޔަ އަހަރު ސޮއިކުރެވުނު މިއެއްބަސްވުމުގައި ވާ މުއްދަތު ދެފަހަރެއްގެ މަތިން މިހާރު ދިގުދަންމާލާފައިވާއިރު، އެންމެ ފަހުން ރަޝިއާއިން މުއްދަތު އިތުރުކޮށްދީފައި ވަނީ 60 ދުވަހަށެވެ. މިއާއެކު މި އެއްބަސްވުން މިމަހުގެ 18 ވަނަ ދުވަހަށް ހަމަވާނެއެވެ. އެހެންކަމުން އެއްބަސްވުން އިތުރަށް ދިގުކުރުމުގެ މަޝްވަރާތައް ކުރުމަށް އދ.ން ދަނީ މަސައްކަތްކުރަމުންނެވެ. އަދި އެއްބަސްވުމުގެ ދަށުން، ބްލެކް ސީ މެދުވެރިކޮށް ޔޫކްރެއިނަށް މުދާ އެކްސްޕޯޓްކުރެވޭނެ އުޅަނދުގެ އަދަދު އިތުރުކުރުމުގެ މަސައްކަތްވެސް އދ.ން ދަނީ ކުރަމުންނެވެ. ނަމަވެސް އަދި މިކަން ކާމިޔާބުވާގޮތެއް ނުވެއެވެ.

ފާއިތުވި ހުކުރު ދުވަހުވެސް މިކަމުގެ މަޝްވަރާތަކެއް ކުރެވިގެން ދިޔަނަމަވެސް މާބޮޑު ކާމިޔާބީތަކެއް ލިބިފައެއް ނުވެއެވެ. ރަޝިއާއިން ދަނީ މި އެއްބަސްވުން ނިމުމަކަށް ގެންނާނެކަމުގެ އިންޒާރުތަކެއްވެސް ދެމުންނެވެ.

ޔޫކްރެއިނުން ވަނީ މިހާރުވެސް ރަޝިއާއިން އެއްބަސްވުން ހުއްޓުމަކަށް ގެނެސް، ބްލެކް ސީ މެދުވެރިކޮށް ގޮވާން އެކްސްޕޯޓްކުރުމުގެ ދޮރު އެއްކޮށް ބަންދުކޮށްފައި ވާކަމަށް ބުނެފައެވެ. މިއީ ސޮއިކުރެވިފައިވާ އެއްބަސްވުމާ ޚިލާފު ކަމެއް ކަން ފާހަގަކޮށް ޔޫކްރެއިނުން ވަނީ، މިހާރުވެސް މުދާ އުފުލުމަށް ޔޫކްރެއިންގެ ބަނދަރުތަކާ ގާތްނުކުރެވި 90 ބޯޓު އެބައޮތްކަން ފާހަގަކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
50%
50%
0%
0%
0%
0%
ކޮމެންޓް