ލ. އަތޮޅުން އައްޑޫ ސިޓީއަށް ވައިޓް އެލަރޓް ނެރެފި
28 އެޕްރީލު 2023 | ހުކުރު 05:58ހަވީރު 16:00 އާ ހަމައަށް ވައިޓް އެލަރޓް ވަނީ ނެރެފައި
ތޯހިރާ އަޒްހާރް | 28 އެޕްރީލު 2023 | ހުކުރު 05:58
މޫސުން
ލ. އަތޮޅުން ފެށިގެން އައްޑޫ ސިޓީއަށް ވައިޓް އެލަރޓް ނެރެފިއެވެ.
މޫސުމާއި ބެހޭ ގައުމީ އިދާރާއިން ބުނީ މިއަދު ހެނދުނު 11:00 އިން ހަވީރު 16:00 އަށް ލ. އަތޮޅުން ފެށިގެން އައްޑޫ ސިޓީއަށް ވައިޓް އެލަރޓް ނެރޭކަމަށެވެ.
މި ސަރަހައްދަށް މި ވަގުތުގައި ބޯކޮށް ވާރޭ ވެހި ގުގުރާނެކަމަށް ލަފާކުރެވޭ ކަމަށް މޫސުމާ ބެހޭ ގައުމީ އިދާރާއިން ބުނެފައިވެއެވެ.
މީގެ އިތުރުން ވެސް މޫސުމާ ބެހޭ ގައުމީ އިދާރާއިން ވަނީ މިއަދު ފަތިހު 5:00 އިން ހެނދުނު 11:00 އާ ހަމައަށް މުޅި ރާއްޖެއަށް ވައިޓް އެލަރޓް ނެރެފައެވެ. މިއީ މުޅި ރާއްޖެއަށް ބޯކޮށް ވާރޭވެހޭނެކަމަށް ލަފާކޮށް ނެރެފައިވާ އެލަރޓެކެވެ.
