ޖޮބް ސެންޓަރު ހިންގުން އިކޮނޮމިކް މިނިސްޓްރީގެ މަސައްކަތުގެ ތެރެއަށް
26 އެޕްރީލު 2023 | ބުދަ 09:39ޖޮބް ސެންޓަރާ ގިނަ މަސައްކަތްތަކެއް ވަނީ ހަވާލުކޮށްފައި
ޖޮބް ސެންޓާ އިފްތިތާހު ކުރެއްވުމުގެ ރަސްމިއްޔާތުގެ ތެރެއިން
ނެޝަނަލް ޖޮބް ސެންޓަރ، މިނިސްޓްރީ އޮފް އިކޮނަމިކް ޑިވަލަޕްމަންޓުގެ ދަށުން ހިންގާގޮތަށް ރައްޔިތުންގެ މަޖިލީހުން ރުހުންދީފިއެވެ.
ނެޝަނަލް ޖޮބް ސެންޓަރަކީ ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީގެ 116 ވަނަ މާއްދާގެ (ހ)އިން ރައީސުލްޖުމްހޫރިއްޔާއަށް ލިބިވަޑައިގަންނަވާ އިޚްތިޔާރުގެ ދަށުން، އުފެއްދެވި އިދާރާއެކެވެ. މި އިދާރާ ހިންގާނީ މިނިސްޓްރީ އޮފް އިކޮނޮމިކް ޑިވެލޮޕްމެންޓްގެ ދަށުން ކަމަށް ރައީސް ވަނީ ހަމަޖައްސަވާފައެވެ.
ނޭޝަނަލް ޖޮބް ސެންޓަރު ގާއިމްކުރެއްވީ، ރާއްޖޭގައި ވަޒީފާ ހޯދަން ބޭނުންވާ ފަރާތްތަކާއި ވަޒީފާދޭ ފަރާތްތައް ގުޅުވައިދިނުމަށާއި، މަސައްކަތްކުރާ އުމުރުފުރާގެ މީހުންނަށް ކުރެވެންހުރި މަސައްކަތްތަކާއި އަދާކުރެވިދާނެ ވަޒީފާތައް ޚިޔާރުކުރުމަށް ލަފަޔާއި އިރުޝާދު ދިނުމަށާއި، ވަޒީފާގެ ބާޒާރާ ގުޅުންހުރި ދިރާސާކޮށް އެ ދިރާސާތަކުން ހޯދޭ މައުލޫމާތު ކަމާބެހޭ ފަރާތްތަކަށް ފޯރުކޮށްދިނުމަށާއި، ވަޒީފާއާ ގުޅުންހުރި ސިޔާސަތުތައް ދެމެހެއްޓެނިވި ގޮތެއްގައި ތަންފީޒުކުރުމަށެވެ.
ރައީސުލްޖުމްހޫރިއްޔާގެ އޮފީހުން ނެރުއްވި އިއުލާނުގައި ވާގޮތުން، ދައުލަތުގެ އިދާރާތަކުން ލިޔާ ސިޓީގައި ނަންބަރު ޖަހާއިރު، ނޭޝަނަލް ޖޮބް ސެންޓަރަށް ލިޔާ ސިޓީގައި ޖަހަން ޖެހޭނީ 490އެވެ.
ނޭޝަނަލް ޖޮބް ސެންޓަރ އުފެއްދެވިކަން އިއުލާންކުރައްވާ ނެރުއްވި ދެންނެވުމުގައި މި އިދާރާގެ ބޭނުމާއި މަސައްކަތްތައް ވަރަށް ތަފްސީލުކޮށް ބަޔާންކޮށްދެއްވާފައިވެއެވެ. އެގޮތުން އެ ސެންޓަރުގެ މަސައްކަތްތަކަކީ
ނެޝަނަލް ޖޮބް ސެންޓަރ، މިނިސްޓްރީ އޮފް އިކޮނަމިކް ޑިވަލަޕްމަންޓުގެ ދަށުން ހިންގަމުންދާ ތަނެއްކަމުގައި ހަމަޖެއްސުމާއި ގުޅިގެން، މިނިސްޓްރީ އޮފް އިކޮނަމިކް ޑިވަލަޕްމަންޓުގެ މަސައްކަތުގެ ދާއިރާއަށް ގެނެވުނު ބަދަލު ފާސްކުރުމަށްޓަކައި ފޮނުވާފައިވާ މައްސަލައިގައި ކޮމިޓީން ނިންމި ގޮތުގެ ރިޕޯޓަށް ވޯޓަށް އެހުމުން މަޖިލީހުގެ ހާޒިރުވެ ތިއްބެވި މެންބަރުންގެ އިއްތިފާގުން ވަނީ ފާސްކޮށްފައެވެ.
މި ރިޕޯޓް ފާސްކުރުމަށް ވޯޓު ދިނީ 45 މެންބަރުންނެވެ.
