އަލިފުށި މަގު ހެދުމުގެ މަސައްކަތް ފެށުމަށް ރަށުގެ ކައުންސިލާއި ސްޓޭކްހޯލްޑަރުންނާ ބައްދަލުކޮށްފި
21 އެޕްރީލު 2023 | ހުކުރު 02:29މަސައްކަތް ނިންމުމަށް ދީފައިވާ މުއްދަތަކީ 540 ދުވަސް
އަލިފުށި މަގުހެދުމުގެ މަސައްކަތް ފެށުމަށް ކުރިޔަށް ގެންދިޔަ ބައްދަލުވުމުގެ ތެރެއިން
ރ އަލިފުށި މަގު ހެދުމުގެ މަސައްކަތްކުރުމަށް ހަވާލުވެފައިވާ ރޯޑު ޑިވެލޮޕްމަންޓް ކޯޕަރޭޝަން (އާރުޑީސީ)ން އެރަށުގެ ކައުންސިލާއި ސްޓޭކްހޯލްޑަރުންނާ ބައްދަލުކޮށްފިއެވެ.
އާރުޑީސީން ބުނީ މިބައްދަލުވުމަކީ މަގުހެދުމުގެ މަސައްކަތް ފެށުމަށްޓަކައި ބޭއްވުނު ބައްދަލުވުމެއްކަމަށެވެ.
އަލިފުށީ މަގުތަކުގައި ތާރު އެޅުމަށް އާރުޑީސީ އާ ހަވާލުކޮށްފައިވަނީ މި އޭޕްރީލް މަހުގެ 16 ވަނަ ދުވަހުއެވެ. މި ކޮންޓްރެކްޓުގެ އަގަކީ 90،956،112.97 (ނުވަދިހަ މިލިއަން ނުވަލައްކަ ފަންސާސް ހަހާސް އެއްސަތޭކަ ބާރަ ރުފިޔާ ނުވަދިހަ ހަތް ލާރި) އެވެ. މަސައްކަތް ނިންމުމަށް ދީފައިވާ މުއްދަތަކީ 540 ދުވަހެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި 3.8 ކިލޯމީޓަރުގެ މަގުގައި ތާރު އެޅުމާއި، މަގުތަކުގައި ފެން ހިންދާ ނިޒާމު ޤާއިމު ކުރުމާއި، މަގުތަކުގައި މަގުބައްތި ޖެހުން ހިމެނެއެވެ.
