ރަޝިއާއިން ޒެޕޮރީޒިއާއަށް ދިން ހަމަލާތަކުގައި 2 މީހުން މަރުވެއްޖެ
9 އެޕްރީލު 2023 | އާދީއްތަ 15:31އާދިއްތަ ދުވަހު ރަޝިއާއިން ޒެޕޮރީޒިއާއަށް ފޮނުވާލާފައި ވަނީ ދެ މިސައިލް ހަމަލާ
ރަޝިއާއިން ޔޫކްރެއިންގެ ޒެޕޮރީޒިއާއަށް ހަމަލާދިނުން
ރަޝިއާއިން ޔޫކްރެއިންގެ ޒެޕޮރީޒިއާއަށް ދިން ހަމަލާތަކުގައި 2 މީހުން މަރުވެއްޖެއެވެ.
ރަޝިއާގެ މިހަމަލާތައް ޒެޕޮރީޒިއާއަށް އަމާޒުކޮށްފައިވަނީ އާދިއްތަ ދުވަހުއެވެ.
މިހަމަލާތައް ވަނީ އާންމުން ދިރިއުޅޭ އިމާރާތަކަށް އަމާޒުވެފައެވެ. އެގޮތުން ހަމަލާގައި 50 އަހަރުގެ ފިރިހެނަކާއި، އޭނާގެ 11 އަހަރުގެ އަންހެން ދަރިފުޅު ވަނީ މަރުވެފައެވެ.
މީގެ އިތުރުން 46 އަހަރުގެ އަންހެނަކަށް ވަނީ ސީރިއަސް އަނިޔާތަކެއް ވެފައެވެ. ހަމަލާގައި ވެއްޓުނު އިމާރާތުގެ ދަށުން އަންހެންމީހާ ނަގާފައިވާއިރު، އަންހެން މީހާއަކީ މަރުވި ފިރިހެން މީހާގެ އަންހެނުންނެވެ. އަދި 11 އަހަރުގެ ކުއްޖާގެ މަންމައެވެ.
އާދިއްތަ ދުވަހު ރަޝިއާއިން ޒެޕޮރީޒިއާއަށް ފޮނުވާލާފައިވަނީ ދެ މިސައިލް ހަމަލާއެވެ.
ރަޝިޔާގެ ޑިފެންސް މިނިސްޓްރީން ވަނީ ޒެޕޮރީޒިއާ ކައިރީގައި ހުރި 70،000 ޓަނުގެ ތެޔޮ ޑިޕޯޓެއްގެ އިތުރުން، ޑޮނެސްކް އަދި ޒަޕޮރިޒިއާ ސަރަހައްދުގައި ހުރި ޔޫކްރެއިންގެ އަސްކަރީ ގުދަންތަކެއް އެގައުމުން ނައްތާލާފައި ވާނެކަމަށް ހުކުރު ދުވަހު ބުނެފައެވެ.
