ކ. މާލެ
|
3 އޭޕްރިލް 2023 | ހޯމަ 12:01
ހިޔާ ފްލެޓް ސަރަހައްދުގައި
ހިޔާ ފްލެޓް ސަރަހައްދުގައި
ރާއްޖެއެމްވީ
ނުރައްކާތެރި އެކްސިޑެންޓެއް ހިނގުން
ހުޅުމާލޭގައި ދެ ސައިކަލެއް ޖެހި ހިނގި އެކްސިޑެންޓްގައި އެކަކުގެ ހާލު ސީރިއަސް
 
ދެ މީހުންނަށް ވެސް ފަރުވާ ދެމުންދަނީ އޭޑީކޭގައި
 
މިއެކްސިޑެންޓާއި ގުޅިގެން ބަލަންޖެހޭ ކަންކަން ދަނީ ބަލަމުން
 
19 އަހަރުގެ ފިރިހެނަކާއި، 56 އަހަރުގެ ފިރިހެނެކަށް އަނިޔާވެފައިވޭ

ހުޅުމާލެ ފޭސް-2 ގައި ނުރައްކާތެރި އެކްސިޑެންޓެއް ހިނގައި އެކަކަށް ސީރިއަސް އަނިޔާތަކެއް ލިބިއްޖެއެވެ.

ފުލުހުން ބުނީ ހުޅުމާލެ ފޭސް-2ގެ ޖޭއެމްސީ ސައިޓް ކައިރީގައި ދެ ސައިކަލެއް ޖެހި އެކްސިޑެންޓެއް ހިނގާފައިވާ ކަމަށެވެ. މިއެކްސިޑެންޓްގެ މައުލޫމާތު އާދިއްތަ ދުވަހުގެ ރޭ 1:20 ހާއިރު ލިބިފައިވާ ކަމަށް ފުލުހުން ބުނެއެވެ.

މިއެކްސިޑެންޓްގައި 19 އަހަރުގެ ފިރިހެނަކާއި، 56 އަހަރުގެ ފިރިހެނެކަށް އަނިޔާވެފައިވާއިރު، 56 އަހަރުގެ މީހާގެ ހާލު ސީރިއަސް ކަމަށް މައުލޫމާތު ލިބޭ ކަމަށް ފުލުހުން ބުނެއެވެ.

ފުލުހުން ބުނީ މިއެކްސިޑެންޓާއި ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.

މިއެކްސިޑެންޓްގައި އަނިޔާވި ދެމީހުންނަށް ފުރަތަމަ ފަރުވާ ދީފައިވަނީ ހުޅުމާލެ ހޮސްޕިޓަލްގައެވެ. މިހާރު ފަރުވާ ދެމުން ގެންދަނީ އޭޑީކޭގައެވެ.

އެކްސިޑެންޓާއި ގުޅިގެން 56 އަހަރުގެ މީހެއް ހާލު ސީރިއަސްވެފައިވާއިރު، ހޯމަ ދުވަހުގެ ހެނދުނު ފޭސް-2 ގައި ހިނގި އެކްސިޑެންޓްގައި 59 އަހަރުގެ ފިރިހެނެއް ވަނީ މަރުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
100%
0%
0%
0%
0%
0%
ކޮމެންޓް