ކީރިތި ޤުރުއާންގެ މުޞްޙަފުތައް އާ ކުރުމަށް ޔަމަނުގައި ކުރާ ބުރަ މަސައްކަތް، ބަލާލަން ހިތްގައިމު
ޑިމާންޑާ އެއްވަރަށް މުޞްޙަފު ތައްޔާރުކޮށްދިނުމުގެ ޢަޒުމުގައި އަތުކުރި އޮޅާލައިގެން ތިބި އެއް ބަޔަކީ، ޔަމަނުގައި، އެންމެ އިހުގެ ގޮތަށް ފޮތް ހަދާ މީހުން
ހަލާކުވެފައިވާ މުޞްޙަފުތައް އާ ކުރުމަށްޓަކައި އިބްރާހީމް އަލް-ޒައީދީ ކުރީ 115 ކިލޯމީޓަރުގެ ދިގު ދަތުރެއް
އެ މަހެއްގައި ޤުރުޢާން ބާއްވާލެވުނު، ބަރަކާތްތެރި ރަމަޟާން މަހަކީ، އެ މަސައްރެއްގައި ވީހާވެސް ގިނައެއްކޮށް ޤުރުއާން ކިޔެވޭތޯ، އެތައް ބަޔަކު ގަދަ އަޅާ މަސައްކަތްކުރާ މައްސަރެކެވެ. ކީރިތި ޤުރުއާންގެ މުޞްޙަފުތަކަށް އޮންނަ ޑިމާންޑްވެސް، ރަމަޟާން މަހާ ދިމާކޮށް އިތުރުވެގެންދެއެވެ.
ޑިމާންޑާ އެއްވަރަށް މުޞްޙަފު ތައްޔާރުކޮށްދިނުމުގެ ޢަޒުމުގައި އަތުކުރި އޮޅާލައިގެން ތިބި އެއް ބަޔަކީ، ޔަމަނުގައި، އެންމެ އިހުގެ ގޮތަށް ފޮތް ހަދާ މީހުންނެވެ. ދުވާލާ ރޭގަނޑު، އެމީހުންގެ މަސައްކަތަށް ވެފައި އޮންނަނީ، އެކި ގޮތް ގޮތުން ހަލާކުވެފައިވާ، ކީރިތި ޤުރުއާންގެ މުޞްޙަފުތައް އާ ކުރުމެވެ.
ހަލާކުވެފައިވާ މުޞްޙަފުތައް އާ ކުރުމަކީ ކަވި މަސައްކަތެކެވެ. އެ މަސައްކަތް ކުރިއަށް ދާ ގޮތް، މީޑިއާއާ ހިއްސާކުރި އެކަކީ ހާޝިމް އަލް-ސިރާޖީއެވެ. ހަލާކުވެފައިވާ މުޞްޙަފުތައް އާ ކުރަނީ، ވަކި ކަހަލަ ކަރުދާހަކާއި ފޮއްޗެއް ބޭނުންކޮށް، ތެރަސްލާ، އެ ތަތްކޮށްގެންނެވެ. އެއަށްފަހު މުޞްޙަފުގެ ބަނޑޭރިގަނޑާއި، ކިއަމުންދާ ހިސާބު ދެނެގަތުމަށް ބޭނުންކުރާ ފާހަގަތައް ލައްވާ، ފޮތް އާ ކޮށް ނިންމާލައެވެ. މަސައްކަތް މުޅިން ނިމިގެން ދަނީ، 24 ގަޑިއިރު ވަންދެން މުޞްޙަފު އަވީލެވުނީމައެވެ.
ހަލާކުވެފައިވާ މުޞްޙަފުތައް އާ ކުރުމަށްޓަކައި އިބްރާހީމް އަލް-ޒައީދީ ކުރީ 115 ކިލޯމީޓަރުގެ ދިގު ދަތުރެކެވެ. އޭނާ ގެންނަ މުޞްޙަފުތަކަކީ، އެ ކި މިސްކިތްތަކުން އެއްކުރާ މުޞްޙަފުތަކެވެ. އެ މުޞްޙަފުތައް އާ ކުރުމަށް ހިނގާ ޚަރަދުތައް ކުރަނީ އަމިއްލަ ޖީބުންނެވެ.
ހަނގުރާމައިގެ ސަބަބުން ސުންނާފަތިވެފައި އޮތެއް ކަމަކު، ރަމަޟާން މަހާ ދިމާކޮށް ޔަމަނުންވެސް އިސްލާމީ ޝިޢާރު ފެނިގެންދެއެވެ. ނަމާދުކޮށް ޤުރުއާން ކިއެވުމުގެ އަޅުކަން އަދާ ކުރުމުގައި މިސްކިތްތަކުގައި އެތައް ބަޔަކު، ވަގުތުތައް ހޭދަ ކުރާ މަންޒަރަކީ، ބަލާލަން ހިތްގައިމު މަންޒަރެކެވެ.
