އަންނަ މަހު ބ. އަތޮޅުގައި ފަސް ތަރީގެ ރިސޯޓެއް ހުޅުވަނީ
އަވާނީ ފަރެސް މޯލްޑިވްސް ހުޅުވަން ހަމަޖެހިފައިވަނީ އޭޕްރިލް 1 ގައި
އަވާނީ ފަރެސް މޯލްޑިވްސް
ބ. އަތޮޅު ފަރެސްގައި ތަރައްގީކޮށްފައިވާ އަވާނީ ފަރެސް މޯލްޑިވްސް އަންނަ މަހު ހުޅުވަން ނިންމައިފިއެވެ.
އަވާނީ ހޮޓެލްސް އެންޑް ރިސޯޓްސްއިން ތަރައްގީކޮށްފައިވާ މި ރިސޯޓަކީ 5 ތަރީގެ ރިސޯޓެކެވެ.
މި ރިސޯޓުގައި 176 އެނދު ހުރެއެވެ. މީގެ ތެރޭގައި ސްޓޫޑިއޯ، ބީޗް ވިލާ އަދި އޯވަރ ވޯޓަރ ވިލާއާއި، ޕެވިލިއަން ހުރެއެވެ. މީގެ އިތުރުން ތަފާތު ކެއުންތައް ލިބޭ 9 ރެސްޓޯރެންޓް މި ރިސޯޓުގައި ހުންނާނެއެވެ. މީގެ އިތުރުން ސްޕާއާއި، ބޮޑު ސްވިމިންގ ޕޫލަކާއި، ކިޑްސް ކްލަބް އަދި ޖިމެއްވެސް މި ރިސޯޓުގައި ހުރެއެވެ.
މި ރިސޯޓު އޭޕްރިލް 1 ވަނަ ދުވަހު ހުޅުވުމުގެ މަސައްކަތް ދަނީ ކުރަމުންނެވެ.
70 މިލިއަން ޑޮލަރުގެ އިންވެސްޓްމެންޓަކާއެކު ތަރައްގީކޮށްފައިވާ މި ރިސޯޓުގެ މަސައްކަތް ހަވާލުކޮށްފައިވަނީ 2017 ވަނަ އަހަރުއެވެ. 2019 ވަނަ އަހަރުވެސް މި ރިސޯޓު ހުޅުވުމުގެ މަސައްްކަތް ކޮށްފައިވެއެވެ. އެހެންނަމަވެސް، ކޮވިޑް-19 ގެ ސަބަބުން ރިސޯޓު ހުޅުވޭގޮތް ވެފައެއް ނުވެއެވެ.
