އައްޑޫ ބިޔުރޯ

ރާއްޖޭގެ ފަތުރުވެރިކަން އިޝްތިހާރުކުރުމަށް ރައީސް ޑރ. މުޙައްމަދު މުޢިއްޒު، އިންޑިއާގެ މަޝްހޫރު ފިލްމީ ތަރިންނާއި ބައްދަލުކުރުމުންވެސް، ރާއްޖެއަށް އެންމެ ގިނަ ފަތުރުވެރިން އައި ލިސްޓްގައި އިންޑިއާ އޮތީ ހަވަނައިގައެވެ.

ފަތުރުވެރިކަމާއި ބެހޭ ވުޒާރާއިން އާންމުކުރި ތަފާސް ހިސާބުތަކުން ދައްކާގޮތުން މިއަހަރުގެ މިހާތަނަށް އިންޑިއާއިން ރާއްޖެ އައިސްފައިވަނީ ޖުމްލަ 21،871 (އެކާވީސްހާސް އަށްސަތޭކަ ހަތްދިހަ އެކެއް) އިންޑިއާ ފަތުރުވެރިންނެވެ.

ޓޫރިޒަމް މިނިސްޓްރީން ހާމަ ކޮށްފައިވާ ހިސާބުތަކުން ފެންނަ ގޮތުގައި މާރޗް 5 ވަނަ ދުވަހުގެ ނިޔަލަށް އެންމެ ގިނަ ފަތުރުވެރިން ޒިޔާރަތްކޮށްފައިވަނީ ޗައިނާއިންނެވެ. 2024 ވަނަ އަހަރު އެންމެ މަތީގައި އޮތް ޗައިނާއިން 60،572 ފަތުރުވެރިން ޒިޔާރަތް ކޮށްފައިވާއިރު، މިއީ ޖުމްލަ ފަތުރުވެރިންގެ 13.1 އިންސައްތަ އެވެ.

ދެވަނަ އަށް އެންމެ ގިނަ ފަތުރުވެރިން އައި ރަޝިޔާއިން އިން 46،465 ފަތުރުވެރިން ޒިޔާރަތް ކޮށްފައިވެއެވެ. އެއީ 10 އިންސައްތަ އެވެ.

ތިންވަނައަށް އެންމެ ގިނަ ފަތުރުވެރިން ޒިޔާރަތްކޮށްފައިވާ އިނގިރޭސިވިލާތުން، އައިސްފައިވަނީ 46،190 ފަތުރުވެރިން ޒިޔާރަތްކޮށްފައެވެ.

މީގެ އިތުރުން މުހިންމު މާކެޓްތަކުގެ ތެރޭގައި އިޓަލީ ވިލާތާއި، (43،527 ފަތުރުވެރިން) އަދި ޖަރުމަނުވިލާތް (29،839 ފަތުރުވެރިން) ހިމެނެއެވެ.

2025 ވަނަ އަހަރުގެ މާރޗް މަހުގެ 5 ވަނަ ދުވަހުގެ ނިޔަލަށް، 463،406 (ހަތަރު ލައްކަ ތިން ހާސް ހަތަރު ސަތޭކަ ހަ) ރާއްޖެއަށް ޒިޔާރަތް ކުރި ފަތުރުވެރިންގެ އަދަދު، ވޭތުވެދިޔަ އަހަރުގެ މި މުއްދަތާ އަޅާބަލާއިރު 4.6 އިންސައްތަ ވަނީ އިތުރުވެފައެވެ. މިނިސްޓްރީ އޮފް ޓޫރިޒަމްގެ ތަފާސްހިސާބު ތަކުން ދައްކާގޮތުގައި، 2024 ގެ މިމުއްދަތުގައި ރާއްޖެއަށް ޒިޔާރަތްކޮށްފައިވަނީ 443،128 ފަތުރުވެރިންނެއެވެ.

ރާއްޖެއަށް ޒިޔާރަތް ކުރި އެންމެ ގިނަ ފަތުރުވެރިންނަކީ ރިސޯޓުތަކަށް އައި މީހުންނެވެ. މިގޮތުން ޖުމްލަ ފަތުރުވެރިންގެ 69.1 އިންސައްތަ ހޭދަކޮށްފައިވަނީ ރިސޯޓުތަކުގައެވެ. ގެސްޓްހައުސް ތަކުގައި ހޭދަކުރި ފަތުރުވެރިންގެ ނިސްބަތަކީ 25.6 އިންސައްތަ އެވެ. ހޮޓާތަކާއި ހޭދަކުރި ފަތުރުވެރިންގެ ނިސްބަތަކީ 2.8 އިންސައްތަ އެވެ. އަދި ސަފާރީތަކުގައި ޖުމްލަ 2.4 އިންސައްތަ ފަތުރުވެރިން ހޭދަކޮށްފައިވެއެވެ.

2025 ވަނަ އަހަރުގެ މާރޗް 5 ވަނަ ދުވަހުގެ ނިޔަލަށް، 63،295 އެނދު ފަތުރުވެރިކަމުގެ ފެސިލިޓީތަކުގައި ހުރިއިރު، މީގެ ތެރެއިން އޮޕަރޭޓް ކުރަމުން އަންނަނީ 62،429 އެނދެވެ. މީގެ ތެރެއިން 43,299 އެނދު ހުރީ ރިސޯޓުތަކުގައެވެ.