ފުލުހުންނަކީ ސިޔާސީ ހަތިޔާރަކަށްވެގެން ނުވާނެ: ޑރ ޖަމީލް
4 ޖުލައި 2017 | އަންގާރަ 20:33އިދިކޮޅު މަޖިލިސް މެމްބަރުންނާއި ލީޑަރުން އަމާޒަކަށް ހެދުން ހުއްޓާލާ
ޑރ ޖަމީލް
ފުލުހުންނަކީ ސިޔާސީ ހަތިޔާރަކަށް ވެގެންނުވާނެކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަޙުމަދު ވިދާޅުވެއްޖެއެވެ.
އަންގާރަ ދުވަހު ކުރެއްވި ޓުވީޓެެއްގައި ކުރީގެ ނައިބު ރައީސް ޑޮކްޓަރ މުޙައްމަދު ޖަމީލް އަޙުމަދު ވިދާޅުވީ ފުލުހުންނަކީ ސިޔާސީ ހަތިޔާރަކަށް ވެގެންނުވާނެ ކަމަށާއި އިދިކޮޅު މަޖިލިސް މެމްބަރުންނާއި ލީޑަރުން އަމާޒަކަށް ހެދުން ހުއްޓާލަން ގޮވާލާކަމަށެވެ.
ޑރ. ޖަމީލް މިހެން ވިދާޅުވެފައިވަނީ ރައްޔިތުންގެ މަޖިލީހުގެ ރައީސް އަބްދުﷲ މަސީހްގެ އިތުބާރު ނެތްކަމުގެ މައްސަލައިގައި 45 މެމްބަރުން ސޮއިކުރައްވައި މަޖިލީހަށް ހުށަހެޅުއްވުމާއިއެކު ބައެއް މެންބަރުން ހައްޔަރުކުރުމަށް ފުލުހުން މަސައްކަތް ކުރާކަމުގެ އަޑުތައް ފެތުރިފައިވަނިކޮށެވެ.
ކުރިން ކުރެއްވި ޓުވީޓެއްގައި ޑރ. ޖަމީލް ވިދާޅުވީ ނަފްސާއި މުދަލާއި މިނިވަންކަމުގެ ދިފާއުގައި، އަދި ނުހައްގު ޝަރީއަތްތަކުން ރައްކާތެރިކަން ހޯދުމަށް މަސީހާ ދެކޮޅަށް ވޯޓު ދެއްވުމަށް އެދޭ ކަމަށެވެ.
