ބަޔާންއިން ނާގެލްސްމަން ވަކިކުރަނީ، އާ ކޯޗުކަށް ވާނީ ޓުކެލް
ނާގެލްސްމަން ވެސް ވަނީ މަގާމުން ވަކިކުރަން އުޅޭކަން ޔަގީންކޮށްދީފައި
ބަޔާންގެ ކޯޗު ނާގެލްސްމަން އާއި ތޯމަސް ޓުޗެލް (ކ)
ބަޔާން މިއުނިކްގެ ކޯޗުކަމުން ހޫލިއަން ނާގެލްސްމަން ވަކިކުރަން ނިންމައި، ކޯޗުކަން ތޯމަސް ޓުކެލް އަށް ދޭން ނިންމައިފި އެވެ.
މީޑިޔާ ރިޕޯޓްތައް ބުނާ ގޮތުން ބަޔާންއިން މިހާރު ދަނީ މިކަން ރަސްމީކޮށް އިއުލާނުކުރުމަށް ތައްޔާރުވަމުންނެވެ. މި ގޮތުން ނާގެލްސްމަންއާއެކު ހަދާފައިވާ ކޮންޓްރެކްޓް ބާތިލްކުރުމަށް ދައްކަންޖެހޭ ވާހަކަތަކަށް އޭނާ މިހާރު ވަނީ ބަޔާންގެ ރަސްމީ ހެޓްކުއާޓާރަށް ހާޒިރުކޮށްފަ އެވެ. އަދި ޓުކެލްއާ އެކު އެއްބަސްވުން ހެދުމަށް ވާންޖެހޭ ހުރިހާ ކަމެއް ނިމިފައިވާ ކަމަށް ވެސް ޖަރުމަނުގެ ނޫސްތަކުންބުނެ އެވެ. ބަޔާންއާ ގާތް ގުޅުން އޮންނަ ބައެއް ނޫސްވެރިން ބުނަނީ ބަޔާންގެ ކޯޗަކަށްވުމަށް ޓުކެލް ކޮންޓްރެކްޓްގައި ވެސް ސޮއިކޮށްފި ކަމަށެވެ.
މިކަމާ ބެހޭގޮތުން ސުވާލުކުރުމުން ނާގެލްސްމަން ވެސް ވަނީ ބުނީ މަގާމުން ވަކިކުރަން އުޅޭ ވާހަކަ "އަޑުއަހައިފިން،" ކަމަށެވެ.
ބަޔާންއިން ނާގެލްސްމަން ވަކިކުރަން ނިންމީ ފާއިތުވެދިޔަ 10އަހަރު އެޓީމުން ހޯދި ޖަރުމަނު ލީގު މި ސީޒަނުގައި ދިފާއު ނުކުރެވިދާނެ ކަމުގެ ބިރު ހީވުމުންނެވެ. މޮޅު ޓީމެއް އޮވެ ބަޔާން މިވަގުތު އޮތީ ޖަރުމަނު ލީގުގެ ދެ ވަނާގަ އެވެ. އެއީ އެއްވަނާގައިވާ ވާދަވެރި ބޮރޫޝިޔާ ޑޯޓްމުންޑާ ޕޮއިންޓްހގެ ގޮތުން ހަމަހަމަވެ ގޯލުގެ ތަފާތުންނެވެ.
ބަޔާންއިން ނާގެލްސްމަން ވަކިކުރަން ނިންމީ ފާއިތުވެދިޔަ 10އަހަރު އެޓީމުން ހޯދި ޖަރުމަނު ލީގު މި ސީޒަނުގައި ދިފާއު ނުކުރެވިދާނެ ކަމުގެ ބިރު ހީވުމުންނެވެ. މޮޅު ޓީމެއް އޮވެ ބަޔާން މިވަގުތު އޮތީ ޖަރުމަނު ލީގުގެ ދެ ވަނައިގަ އެވެ. އެއީ އެއްވަނާގައިވާ ވާދަވެރި ބޮރޫޝިޔާ ޑޯޓްމުންޑާ ޕޮއިންޓްގެ ގޮތުން ހަމަހަމަވެ ގޯލުގެ ތަފާތުންނެވެ.
ނާގެލްސްމަން އަށް ބަޔާންގެ ކޯޗުކަން ދިނީ ޖަރުމަނުގެ އާރުބީ ލައިޕްޒިގްގައި އޭނާ ނެރުނު ރަނގަޅު ނަތީޖާތަކުގެ ސަބަބުންނެވެ. ނަމަވެސް ބަޔާންއަށް ކޯޗުކޮށްދިން 84 މެޗުގެ ތެރެއިން އޭނާ އަށް މޮޅުވެވުނީ 6 މެޗުންނެވެ. މި ސީޒަނުގައި ކުޅުނު ތިން މެޗަކުން ބަލިވެ، ހަތް މެޗަކުން ވަނީ އެއްވަރުވެފަ އެވެ. ނަމަވެސް ޗެމްޕިއަންސް ލީގެ ކުއާޓާ ފައިނަލަށް ޓީމު ވަނީ ދަތުރުކޮށްފަ އެވެ.
ޖަރުމަނުގެ ބޮރޫޝިޔާ ޑޯޓްމުންޑާއި ފްރާންސްގެ ޕީއެސްޖީ އަދި އިނގިރޭސި ކުލަބު ޗެލްސީ އަށް ކޯޗުކޮށްދިން ޓުކެލް މިވަގުތު ހުރީ މިދިޔަ ސީޒަނުގައި ޗެލްސީން ވަކިކުރުމުން ވަޒީފާއެއްނެތި އެވެ. ނަމަވެސް އަމިއްލަ ސަބަބުތަކާހުރެ ޗެލްސީން މަގާމުން ވަކިކުރި ނަމަވެސް އޭނާ ވަނީ އެ ޓީމަށް ޗެމްޕިއަންސް ލީގު ކާމިޔާބުކޮށްދީ ޕީއެސްޖީ ޗެމްޕިއަންސް ލީގުގެ ފައިނަލަށް ގެންގޮސްދީފަ އެވެ. މިހެންވެ ބަޔާން ގަބޫލުކުރަނީ އޭނާ އަކީ މިވަގުތު އެ ޓީމު ހަމަމަގަށް އަޅުވާލެވޭނެ ތަޖުރިބާހުރި މަދުކޯޗުންގެ ތެރެއިން އެކަކު ކަމަށެވެ.
