ޖުވެނައިލް ކޯޓުން 3 ލެޕްޓޮޕް ވަގަށް ނެގި މީހަކު 25 ދުވަހަށް ޖަލަށް
މި މައްސަލައިގައި ދައުވާކޮށްފައި ވަނީ ސ.ހިތަދޫ، ދެކުލައަރާގެ، މުހައްމަދު އަސްލަމްގެ މައްޗަށް
ކްރިމިނަލް ކޯޓު
ޖުވެނައިލް ކޯޓުން 3 ލެޕްޓޮޕް ވަގަށް ނެގި މީހަކު 25 ދުވަހަށް ޖަލަށް ލާން ޙުކުމްކޮށްފިއެވެ.
މި މައްސަލައިގައި ދައުވާކޮށްފައި ވަނީ ސ.ހިތަދޫ، ދެކުލައަރާގެ، މުހައްމަދު އަސްލަމްގެ މައްޗަށެވެ. އޭނާގެ މައްޗަށް ދައުވާކޮށްފައި ވަނީ 2022 ވަނަ އަހަރުގެ ނޮވެމްބަރު މަހުގެ 25 ވަނަ ދުވަހު 03:00 އެހާއިރު މާލޭ ޖުވެނައިލް ކޯޓުގެ ފުރަތަމަ ފަންގިފިލާގައި ހުރި ކޮޓަރިއެއްގެ ތެރޭގައި ހުރި ހުދު ލެޕްޓޮޕަކާއި، ގްރައުންޑް ފްލޯގައި ހުރި ކޮޓަރިއެއްގެ ތެރޭގައި ހުރި އަޅިކުލައިގެ 2 ލެޕްޓޮޕް ވަގަށް ނެގި ކަމަށް ތުހުމަތުކުރެވޭ މައްސަލަ އާއި ގުޅިގެންނެވެ.
މި މައްސަލައިގެ އަދަބު ކަނޑައަޅަން ފާހަގަކޮށްފައިވާ ކަންކަމުގެ ތެރޭގައި ދައުލަތުން ދައުވާކޮށްފައި ވަނީ ޖުނަހުގެ 2 ވަނަ ދަރަޖައިގެ ކުށެއްގެ ގޮތުގައި ކަމަށް ވާއިރު އެ ކުށުގެ އަދަބަކީ 2 މަހާއި 12 ދުވަހުގެ ޖަލުހުކުމެއް ކަމަށް ބަޔާންކޮށްފައިވެއެވެ. އެހެންނަމަވެސް ދައުވާލިބޭ ފަރާތުން ކުށަށް އިއުތިރާފްވުމުން ކުށުގެ އަދަބު އެއް ދަރަޖަ ދަށް ކުރަން ޖެހޭކަން ފާހަގަކޮށްފައިވެއެވެ. އަދި މައްސަލައިގެ ހުކުމް ކުރުމުގެ ކުރިއަށް ތަހުގީގު މަރުހަލާގައި 28 ދުވަހާއި 21 ގަޑި އިރާއި ބާރަ މިނިޓު ދައުވާ ލިބޭ ފަރާތުން ބަންދުގައި ހޭދަކޮށްފައިވާތީ އެ މުއްދަތު ހުކުމުން އުނިކުރަން ޖެހޭކަމަށް ފާހަގަކޮށްފައިވެއެވެ.
އެހެންކަމުން ދައުވާ ލިބޭ އަސްލަމްގެ މައްޗަށް ކަނޑައަޅާ އަދަބުގެ ތެރެއިން އޭނާ ތަންފީޒުކުރަން ޖެހެނީ 25 ދުވަހުގެ ޖަލު އަދަބެއް ކަަމަށް ވަނީ ކަނޑައަޅާފައެވެ.
