15 އަހަރުން ދަށުގެ ފައިނަލްގައި އަމީނިއްޔާ އާއި ޖަމާލުއްދީން

އިންޓަ ސްކޫލް ހޭންޑް ބޯޅަ މުބާރާތުގެ ފިރިހެން ޑިވިޝަންގެ 15 އަހަރުން ދަށުގެ ފައިނަލުން އަމީނިއްޔާ ސްކޫލާއި ޖަމާލުއްދީން ސްކޫލް ޖާގަ ހޯދައިފި އެވެ.

މި ބައިގެ ފައިނަލުން އަމީނިއްޔާ ޖާގަ ހޯދީ ފުރަތަމަ ސެމީ ފައިނަލްގައި ދަރުމަވަންތަ ސްކޫލް ބަލިކޮށްގެންނެވެ. ދެ ޓީމުގެ ފަރާތުން ވެސް ވަރަށް ވާދަވެރި ކުޅުމެއް ފެނުނު މެޗު އަމީނިއްޔާ އިން ކާމިޔާބު ކުރީ އެއް ލަނޑުގެ ތަފާތުންނެވެ. އެއީ 11-10 ގެ ސްކޯއަކުންނެވެ. މި މެޗުގެ މޮޅު ކުޅުންތެރިޔަކަށް ހޮވުނީ ދަރުމަވަންތައިގެ މުޙައްމަދު ޝަރާހު ޝަރުހަބީލް އެވެ. ދެ ވަނަ ސެމީ ފައިނަލްގައި ޖަމާލުއްދީނުން ވަނީ ކަލާފާނު ސްކޫލް ބަލިކޮށް، ފައިނަލްގެ ފަހު ޖާގަ ހޯދައިފަ އެވެ. އަމީނިއްޔާގެ މައްޗަށް ޖަމާލުއްދީނުން ކުރި ހޯދީ 23-18 އިންނެވެ. އެ މެޗުގެ މޮޅު ކުޅުންތެރިޔަކަށް ހޮވުނީ އަމީނިއްޔާގެ އަލްހާން ފައިސަލް އަމީން އެވެ.

ފިރިހެން ޑިވިޝަންގެ ފައިނަލް މެޗުތައް ކުރިއަށް ދާނީ ހޮނިހިރު ދުވަހު އެވެ.