އަންހެން ވޮލީ ޓީމު މޮޅުވާނީ ގިނަ މެޗުތަކެއް ކުޅެގެން: ފިރިހެން ޓީމުގެ ކޯޗު
1 މާރިޗު 2023 | ބުދަ 05:08އަންހެން ޓީމު ވަނީ ފޯނޭޝަންސް ކަޕުގެ ފައިނަލްގައި ކުޅެފައި
އަބްދުﷲ އަޒުމީން | 1 މާރިޗު 2023 | ބުދަ 05:08
ގައުމީ އަންހެން ޓީމުގެ ބައެއް ކުޅުންތެރިން: ފެންވަރު ރަނގަޅު މެޗުތަކެއް ޓީމަށް ބޭނުންވޭ
ގައުމީ އަންހެން ވޮލީބޯޅަ ޓީމު މިހާރު އޮތް ފެންވަރު މަތިކުރަން ގިނަ މެޗުތަކެއް ކުޅުވަންޖެހޭ ކަމަށް ގައުމީ ފިރިހެން ވޮލީ ޓީމުގެ ކޯޗު ބްރެޒިލްގެ ސާޖިއޯ ވެލޯސޯ ބުނެފި އެވެ.
ފާއިތުވެދިޔަ ދެ އަހަރެއްހާ ދުވަހު ގައުމީ ޓީމަށް ކޯޗުކޮށްދިން ވެލޯސޯ ބުނީ މިދިޔަ ހޯމަ ދުވަހު ނިމިދިޔަ ފޯ ނޭޝަންސް ކަޕުގެ ފައިނަލްގައި ކުޅުނު އަންހެން ޓީމުގެ ފެންވަރު މިހާރު ވެސް ގޯސްނޫން ކަމަށެވެ.
އޭނާ ބުނީ ފައިނަލް މެޗުގައި 3-2 ސެޓުން އަންހެން ޓީމު ބަލިވިއިރު ނިންމާލަން ލިބުނު ގިނަ ފުރުސަތުތައް ބޭނުން ނުހިފިދިޔައީ ބައެއް ވަގުތުތަކުގައި މާބޮޑަށް ޕްރެޝަރުގައި ކުޅެން ޖެހުމުން ކަމަށެވެ.
