ގައުމީ އަންހެން ވޮލީބޯޅަ ޓީމު މިހާރު އޮތް ފެންވަރު މަތިކުރަން ގިނަ މެޗުތަކެއް ކުޅުވަންޖެހޭ ކަމަށް ގައުމީ ފިރިހެން ވޮލީ ޓީމުގެ ކޯޗު ބްރެޒިލްގެ ސާޖިއޯ ވެލޯސޯ ބުނެފި އެވެ.
ފާއިތުވެދިޔަ ދެ އަހަރެއްހާ ދުވަހު ގައުމީ ޓީމަށް ކޯޗުކޮށްދިން ވެލޯސޯ ބުނީ މިދިޔަ ހޯމަ ދުވަހު ނިމިދިޔަ ފޯ ނޭޝަންސް ކަޕުގެ ފައިނަލްގައި ކުޅުނު އަންހެން ޓީމުގެ ފެންވަރު މިހާރު ވެސް ގޯސްނޫން ކަމަށެވެ.
ޓީމު އޮތީ ރަނގަޅު ފެންވަރެއްގައިކަން އެނގޭ ޑްރީމް ޓީމުގައި އަންހެން ޓީމުގެ ގިނަ ކުޅުންތެރިން ހިމެނުމުން. އެކަމަކު އެންމެ މުހިންމު ކަމަކީ ފެންވަރު ދަމަހައްޓައި ކުރިއެރުން. މިފަދަ ގިނަ މެޗުތަކެއް އެކަމަށްޓަކައި އެމީހުންނަށް ބޭނުންވޭ. ޕްރެޝަރ ގަޑީގައި ކަންކަން ކުރަންވީ ގޮތާއި މެޗު ނިންމާލަން ލިބޭ ފުރުސަތުގެ ބޭނުން ހިފާނެ ގޮތް ދަސްވާނީ ވަރުގަދަ ގިނަ މެޗުތަކެއް ކުޅެގެންގައުމީ ފިރިހެން ވޮލީ ޓީމުގެ ކޯޗު ބްރެޒިލްގެ ސާޖިއޯ ވެލޯސޯ
އޭނާ ބުނީ ފައިނަލް މެޗުގައި 3-2 ސެޓުން އަންހެން ޓީމު ބަލިވިއިރު ނިންމާލަން ލިބުނު ގިނަ ފުރުސަތުތައް ބޭނުން ނުހިފިދިޔައީ ބައެއް ވަގުތުތަކުގައި މާބޮޑަށް ޕްރެޝަރުގައި ކުޅެން ޖެހުމުން ކަމަށެވެ.
މިފަދަ ވާދަވެރި މެޗުތައް މަދުވީމަ އެހެން ވެދާނެ. އެކަމަކު އެކަންކަމަށް ފަރިތަވާނީ ގިނަ މެޗުތަކެއް ކުޅެގެން. އަހަރެން އުއްމީދު ކުރަން އެމީހުންނަށް ވެސް އަދި އަހަރުމެން (ފިރިހެން ޓީމަށް ވެސް) މި އަހަރުގެ މުބާރާތްތަކާއެކު އަދި ތައްޔާރުވާން ވެސް ގިނަ މެޗުތަކެއް ލިބިގެންދާނެ ކަމަށްގައުމީ ފިރިހެން ވޮލީ ޓީމުގެ ކޯޗު ބްރެޒިލްގެ ސާޖިއޯ ވެލޯސޯ
