ހަންޏާމީދޫއަށް ފެނުގެ ޚިދުމަތް ތައާރަފުކޮށްފި
މިވަގުތު ހަންޏާމީދޫގެ 170 ތަނަކަށް ފެނުގެ ޚިދުމަތް ދެމުންދޭ
ހަންޏާމީދޫއަށް ފެނުގެ ޚިދުމަތް ތައާރަފުކުރުން
ސްޓެލްކޯއިން އދ. ހަންޏާމީދޫއަށް ފެނުގެ ޚިދުމަތް ދޭންފަށައިފިއެވެ.
ހަންޏާމީދޫގެ ފެނުގެ ޚިދުމަތް ރަސްމީކޮށް އިފްތިތާހުކޮށްދެއްވީ އެ ރަށުގައި ބޭއްވި ރަސްމިއްޔާތެއްގައި, ސްޓެލްކޯގެ ޑެޕިއުޓީ މެނޭޖިންގ ޑިރެކްޓަރ މުހައްމަދު ލަތީފާއި ހަންޏާމީދޫ ކައުންސިލްގެ ރައީސް މޫސާ ނާޒިމެވެ.
މި ޚިދުމަތް އިފްތިތާހުކުރުމާއެކު، ފެނުގެ ޚިދުމަތަށް އެދިފައިވާ، ހަންޏާމީދުގެ ހުރިހާ ގޭބީސީއަކާއި ވިޔަފާރިއަކަށް މިހާރު ފެނުގެ ޚިދުމަތް ދަނީ ފޯރުކޮށްދެމުން ކަމަށް ސްޓެލްކޯއިން ބުނެއެވެ.
މިވަގުތު ހަންޏާމީދޫގައި ފެނުގެ ޚިދުމަތް 170 ގޭބީސީއަކަށް ދެމުންގެންދެއެވެ.
މީގެ އިތުރުން، ސްޓެލްކޯއިން ވަނީ މިހާރު ފެނުގެ ޚިދުމަތަށް އެދިފައިވާ ފަރާތްތަކާއި، މި މަހުގެ ނިޔަލަށް ފެނުގެ ޚިދުމަތަށް އެދޭ ފަރާތްތަކަށް އެއް ޓަނުގެ ފެން ހިލޭ ދިނުމަށް ނިންމާފައެވެ.
