ދިމިޝްގަށް ތިން ކާރު ބޮމުގެ ހަމަލާ އަމާޒުވެ މަދުވެގެން ހަތް މީހުން މަރުވެއްޖެއެވެ.
ސީރިއާގެ ވެރިރަށް ދިމިޝްގުގައި ހިނގި މި ހާދިސާއާ ބެހޭ ގޮތުން އެ ގައުމުގެ ދައުލަތުގެ މީޑިއާއިން ބުނެފައިވަނީ، މިއި މާޗު މަހު ފުލުފުލުގައި ދިމިޝްގުގައި ދިން ޖާނުން ފިދާވުމުގެ ހަމަލާތައް މެދުކެނޑިފައި އޮތުމަށްފަހު ހިނގި އެންމެ ނުރައްކާތެރި ހާދިސާ ކަމުގައެވެ.
UPDATE — 3 car bombs hit Damascus, at least 7 people killed and 13 wounded in the blasts https://t.co/YmFO4FcOSy pic.twitter.com/mvbmoi80UC
— DAILY SABAH (@DailySabah) July 2, 2017
އާދިއްތަ ދުވަހު ދިން މި ނުރައްކާތެރި ހަމާލާތަކުގެ ތެރެއިން އެންމެ ނުރައްކާތެރި ހަމަލާ ހިނގާފައިވަނީ ދިމިޝްގުގެ މެދުތެރޭގައި އޮންނަ ތަހުރީރު މައިދާނުގައެވެ. މަންޒަރު ދުށް ފުލުހަކު ބުނީ މި ހާދިސާގައި ހަތް މީހުން މަރުވި ކަމަށާއި 13 މީހަކު ޒަހަމްވި ކަމަށެވެ. އަނެއް ދެ ކާރު ބޮން ސަލާމަތީ އޮފިޝަލުން ހަލާކުކޮށްލީ ކަމަށްވެސް މީޑިއާ ރިޕޯޓުތައް ބުނެއެވެ.
ސީރީއާގެ ދައުލަތުގެ މީޑިއާއިން ބުނީ ހަމަލާގައި ގެއްލުންވި މީހުންގެ އަދަދު މަދުވީ، ސަލާމަތީ ބާރުތަކުން ހަރަކާތްތެރިވިލެއް އަވަސް ކަމުންނާއި، ޓެރަރިސްޓުންނަށް ބޭނުންވި ގޮތައް ހަމަލާދޭން މަގު ތަނަވަސް ނުވުމުން ކަމަށެވެ. ހަމަލާ އަމާޒުކޮށްފައިވަނީ ދިމިޝްގުގައި މީހުން ގިނައިން ގޮސް އުޅޭ ސަރަހައްދުތައް ބަލައިގެން ކަން ފާހަގަ ކުރެވެއެވެ.
ހަމާލާގެ މަންޒަރުތަކަށް ބަލާއިރު ތަހުރީރު މައިދާނުގައި ދިން ހަމަލާގެ ސަބަބުން ބޮޑެތި ގެއްލުންތަކެއް ލިބިފައިވާކަން ފާހަގަ ކުރެވެއެވެ.
