ބަޔާން އަކީ ފޭވަރިޓުންނެއްނޫން: ޕީއެސްޖީ
ދެ ޓީމަށް ވެސް އޮތީ ހަމަހަމަ ފުރުސަތެއް: ކޯޗު
ޕީއެސްޖީގެ ކުޅުންތެރިން
ޗެމްޕިއަންސް ލީގު ފުޓްބޯޅަ މުބާރާތުގެ ދެ ވަނަ ބުރުގައި މިރޭ ޖަރުމަނުގެ ޗެމްޕިއަން ބަޔާން މިއުނިކާ ދެކޮޅަށް ނުކުންނައިރު އެ ޓީމަކީ ފެވަރިޓުން ނޫން ކަމަށް ފްރާންސްގެ ޗެމްޕިއަން ޕީއެސްޖީން ބުނެފި އެވެ.
މުޅިން އަލަށް ޗެމްޕިއަންސް ލީގު ކާމިޔާބު ކުރުމަށް މޮޅު އެތައް ކުޅުންތެރިންނަކާއެކު މެޗަށް ތައްޔާރުވާ ޕީއެސްޖީގެ ކޯޗު ކްރިސްޓޮފާ ގަލްޓިއާ ބުނީ ފަސް ފަހަރު މުބާރާތް ކާމިޔާބުކޮށްފައިވާ މޮޅުވުމަށް ދެ ޓީމަށް ވެސް އޮތީ ފިފްޓީ ފިފްޓީ ޗާންސްއެއް ކަމަށެވެ.
މީގެ އިތުރުން ބްރެޒިލްގެ ނޭމާ އާއި ސްޕޭނުގެ ސާޖިއޯ ރާމޯސް އާއި އިޓަލީގެ ޖިއާންލޫކާ ޑޯނަރޫމާ ފަދަ އެއްތައް ކުޅުންތެރިންނެއް ފްރާންސް ޓީމުގައި އެބަތިއްބެވެ. ތަރިންގެ ގޮތުން ޕީއެސްޖީ މުއްސަނދިވުމުން ބަޔާންގެ ޖަރުމަނު ފޯވަޑް ތޯމަސް މުލާ ވެސް އެކަން ފާހަގަކުރި އެވެ.
"އެމީހުންނަކީ ވަރަށް މޮޅު ކުޅުންތެރިން ތިބި ޓީމެއް. ދެރަ ކަމަކީ މިތަނުން ކޮލިފައިވާނީ ކޮންމެވެސް އެއް ޓީމު ކަމަށްވާތީވެ،" ބަޔާން އަށް ޗެމްޕިއަންސް ލީގު ކާމިޔާބުކޮށްދީފައިވާ ފޯވަޑް ބުންޏެވެ.
