ބިންހެލުމުގައި މަރުވި މީހުންގެ އަދަދު 33،000ށް، އަދިވެސް އިތުރުވާނެ!
ސީރިއާގައި މަރުވި މީހުންގެ ޖުމްލަ އަދަދު 3،576ށް އަރާ
އިމާރާތްތަކުގެ ދަށުން ސަލާމަތްކުރެވުނު ތުރުކީގެ ރެފިއުޖީއެއް
ހޯމަ ދުވަހު ތުރުކީ-ސީރިއާ ބޯޑަރު ކައިރިން އައި ބިންހެލުމާ ގުޅިގެން, މުޅި ތުރުކީއާއި ސީރިއާގައި މަރުވި މީހުންގެ އަދަދު 33،181ށް އަރާފައިވާކަމަށް އެންމެ ފަހުގެ ތަފާސް ހިސާބުތަކުން ދައްކައިފިއެވެ.
ތުރުކީގައި މަރުވި މީހުންގެ އަދަދު 29،605ށް އަރާފައިވާ ކަމަށް ތުރުކީގެ އިމަޖެންސީ ކޯޑިނޭޝަން ސެންޓަރު ސަކޮމްއިން ބުނެފައިވެއެވެ.
ސީރިއާގައި މަރުވި މީހުންގެ ޖުމްލަ އަދަދު 3،576ށް އަރާއިރު، އޭގެތެރޭގައި ހުޅަނގު އުތުރުގެ ހަނގުރާމަވެރިންގެ ބާރުގެ ދަށުގައިވާ ސަރަހައްދުތަކުން 2،168 މީހުން މަރުވެފައިވާ ކަމަށް, ވައިޓް ހެލްމެޓްސް ސިވިލް ޑިފެންސް ގްރޫޕުން ބުނެއެވެ. ސީރިއާގެ ސަރުކާރުން ކޮންޓްރޯލްކުރާ ސަރަހައްދުތަކުން 1،408 މީހުން މަރުވެފައިވާ ކަމަށް ހެލްތު މިނިސްޓްރީއާ ހަވާލާދީ ސީރިއާގެ ދައުލަތުގެ މީޑިއާއިން ބުނެފައިވެއެވެ.
ހުކުރު ދުވަހު ސަރޗް އެންޑް ރެސްކިއު އޮޕަރޭޝަންތައް ނިމުނުކަން އިއުލާންކުރި ވައިޓް ހެލްމެޓްސްއިން، ހޮނިހިރު ދުވަހު ސީއެންއެންއަށް ބުނީ މަރުވި މީހުންގެ ޖުމްލަ އަދަދު މިހާރު ހުރި އަދަދު ތަކަށްވުރެ މާ ގިނަވާނެކަމަށް ލަފާކުރެވޭ ކަމަށެވެ.
