ކޮޅިގަނޑުގައި މާބައިދޫ އާއި ކިނބިދޫގެ އޮޑިދޯނިފަހަރަށް ގެއްލުންތަކެއް ލިބިއްޖެ
މާބައިދޫ ބަނދަރުގައި އޮތް ދެ ޑިންގީއެއް ވަނީ އަޑިއަށް ގޮސްފައި
މާބައިދޫ ބަނދަރުގައި އަޅާފައި އޮތް ދޯންޏެއް ވާކަނޑައިގެން ލައްގާފައި
މިހާރު ކުރަމުންދާ ވިއްސާރައިގައި ވައިގަދެވެ، ކަނޑުގަދަވުމުގެ ސަބަބުން ލ.މާބައިދޫ އާއި ތ.ކިނބުދޫގެ ފަޅު ތެރޭގައި އޮތް ދޯނި ފަހަރަށް ގެއްލުންވެއްޖެ އެވެ.
މައިބައިދޫ ކައުންސިލްގެ ރައީސް އަހްމަދު ޝަރީފު ވިދާޅުވީ ރޭ އައި ކޮޅިގަނޑުގައި އެރަށުގެ ފަޅުގައި އަޅާފައި އޮތް ދޯންޏެއްގެ ވާ ކަނޑައިގެން ގޮސް ގޮނޑުދޮށަށް ލައްގާފައިވާ ކަމަށެވެ.
މީގެ އިތުރުން އެރަށުގެ ބަނދަރުގައި އަޅާފައި އޮތް ދެ ޑިންގީއެއް އަޑިއަށް ދިޔަ އެވެ. އޭގެ ތެރެއިން އެއް ޑިންގީއަކީ އިންޖީނު އަޅާފައިވާ އޮތް އެއްޗެއް ކަމަށާއި އެ ދެ ޑިންގީވެސް މިހާރ ނަގާފައިވާ ކަމަށް ޝަރީފު ވިދާޅުވި އެވެ.
މީގެ އިތުރުން ތ. އަތޮޅު ކިނބިދޫ ކައުންސިލުން މައުލޫމާތު ދިން ގޮތުގައި އެރަށުގެ ފަޅު ތެރޭގައި އޮތް ޑިންޑީއެއް ވެސް ރޭ ފަތިހު ވަނީ އަޑިއަށް ގޮސްފަ އެވެ. އިންޖީނާއެކު އެ ޑިންގީ އަޑިއަށް ގޮސްފައިވާއިރު އިންޖީނު އަލުން ބޭނުން ކުރެވޭނެ ކަމަށް ގަބޫލު ނުކުރެވޭ ކަމަށްވެސް އޭނާ ވިދާޅުވި އެވެ.
ވިލިމާލެ ބޭރު ތޮއްޓަށްވެސް ވަނީ ދޯންޏެއް އަރާފަ އެވެ.
