ރާއްޖެ
މާރާމާރީ ހިންގުން
ޣިޔާސުއްދީން ސްކޫލް ކައިރިން މީހަކަށް ތޫނު އެއްޗަކުން ހަމަލާދީފި
އަނިޔާވި މީހާއަށް އައިޖީއެމްއެޗްގައި ދަނީ ފަރުވާ ދެމުން
އިދުހާމް ނަޢީމް, ރާއްޖެ އެމްވީ | 24 ޖެނުއަރީ 2023 | އަންގާރަ 12:05
ކްރައިމް ސީނެއްކަން އަންގައިދޭ ޓޭޕް ދަމާފައި
އަމީނީމަގުގައި، ޣިޔާސުއްދީން އިންޓަރނޭޝަނަލް ސްކޫލް ކައިރިން ތޫނު އެއްޗަކުން މީހަކަށް ހަމަލާދީފިއެވެ.
ފުލުހުން ބުނެފައިވާ ގޮތުގައި މި ހާދިސާގެ މައުލޫމާތު ލިބިފައިވަނީ އަންގާރަ ދުވަހުގެ ހަވީރު 4:10ހާއިރުއެވެ. މި ހާދިސާގައި އަނިޔާވެފައިވަނީ ފިރިހެނަކަށް ކަމަށާއި، އޭނާ އައިޖީއެމްއެޗްއަށް ގެންގޮސް ފަރުވާ ދެމުން ދާ ކަމަށްވެސް ފުލުހުން ބުނެއެވެ.
"ރާއްޖެ ޓީވީ"އަށް މައުލޫމާތު ލިބިފައިވާ ގޮތުގައި މި ހާދިސާގައި އަނިޔާ ލިބުނު މީހާގެ ބުރަކަށީގެ އެކި ތަންތަނަށް ވަނީ ވަޅިން ހަމަލާ ދީފައެވެ. އޭނާއަށް ހަމަލާ ދީފައިވަނީ ދެ ސައިކަލެއްގައި ހެލްމެޓު އަޅައިގެން ތިބި ބަޔަކު ކަމަށްވެސް މައުލޫމާތު ލިބެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
