ޒަވީ ބާސާއަށް ފުރަތަމަ ތަށި ހޯދައިދީފި
16 ޖެނުއަރީ 2023 | ހޯމަ 02:46ފައިނަލް މެޗު ކާމިޔާބުކުރީ 3-1 ން
ބާސާގެ ކެޕްޓަން ބުސްކެޓް އެހެން ކުޅުންތެރިންނާއެކު ތަށި އުފުލާލަނީ
ބާސެލޯނާގެ ކޯޗުކަމާ ހަވާލުވެ, އެޓީމްގެ ކުރީގެ މިޑްފީލްޑަރ ޒަވީ ކްލަބަށް ފުރަތަމަ ތަށި ހޯދައިދީފިއެވެ.
ކޯޗެއްގެ ގޮތުގައި ޒަވީ ބާސާއަށް ފުރަތަމަ ހޯދައިދިނީ ސްޕެނިޝް ސުޕަރ ކަޕްގެ ޗެމްޕިއަންކަމެވެ. އެއީ ވާދަވެރި ރެއާލް މެޑްރިޑް ފައިނަލްގައި ބަލިކޮށްގެންނެވެ. ސައުދީ އަރަބިޔާގައި ކުޅުނު ފައިނަލް މެޗު ބާސެލޯނާއިން ކާމިޔާބުކުރީ 1-3 ނެވެ. ފައިނަލް މެޗުގެ ފުރަތަމަ ލަނޑު ޖެހީ 18 އަހަރުގެ ގަވީއެވެ. އޭނާއަށް ލަނޑުޖަހަން ފުރުޞަތު ފަހިކޮށްދިނީ ރޮބާޓް ލެވާންޑޯސްކީއެވެ. ފުރަތަމަ ހާފްގެ ފަހު މިނެޓުގައި ބާސާއިން ދެވަނަ ލަނޑެއް ޖަހާ ލީޑް ފުޅާކުރީ ގަވީ ތަނަވަސްކޮށްދިން ފުރުޞަތަކުން ލެވާންޑޯސްކީއެވެ. ދެވަނަ ހާފްގައި ތިންވަނަ ގޯލް ޖެހީ ޕެޑްރީއެވެ. ރެއާލްގެ ހަމައެކަނި ލަނޑު މެޗުގެ އިތުރު ވަގުތުގައި ޖެހީ ބެންޒިމާއެވެ. މިލަނޑުގައިވެސް އެންމެ ބޮޑު ހިއްސާއެއްވީ ގަވީއެވެ. މިމެޗުގައި ޖެހި ގޯލާއެކު ގަވީ ވެފައިވަނީ ސުޕަރ ކަޕްގައި ލަނޑުޖެހި އެންމެ ޒުވާން ކުޅުންޔެރިޔާއެވެ.
މިދެޓީމު އޮކްޓޯބަރު މަހު ވާދަކުރި މެޗު ހަމަ މި ނަތީޖާއިން ކާމިޔާބުކުރީ ރެއާލް މެޑްރިޑެވެ. ލީގުގައި މިވަގުތު އެއްވަނާގައި އޮތީ ބާސެލޯނާއެވެ. ތިން ޕޮއިންޓްގެ ލީޑަކާއެކު ބާސާ ކުރީގައި އޮތުމުގެ އިތުރުން ހުރިހާ މުބާރާތްތަކެއްގައި އެންމެ ފަހުން ކުޅުނު ނުވަ މެޗުންވެސް ބާސާ ބަލިނުވެއެވެ.
