ކ. މާލެ
|
10 ޖެނުއަރީ 2023 | އަންގާރަ 13:01
ބާސެލޯނާ އާއި ރެއާލް ކުޅުނު މެޗެއްގައި މެސީ އަދި ރޮނާލްޑޯ
ބާސެލޯނާ އާއި ރެއާލް ކުޅުނު މެޗެއްގައި މެސީ އަދި ރޮނާލްޑޯ
ޓްވީޓަރ
ޕީއެސްޖީ
ޕީއެސްޖީން އަލް ނަސްރާ ދެކޮޅަށް މެޗެއް ކުޅެނީ، ދުވަސްތަކަކަށްފަހު މެސީ އާއި ރޮނާލްޑޯގެ ކުރިމަތިލުމެއް
 
މި މެޗު ކުޅުމަށް ހަމަޖެހައިފައި ވަނީ މި މަހުގެ 19 ވަނަ ދުވަހު ސައުދީގެ ވެރި ރަށް ރިޔާދުގައި

ފްރާންސްގެ ޕެރިސް ސެއިންޓް ޖާމަން (ޕީއެސްޖީ) އާއި ސައުދީ އަރަބިޔާގެ އަލް ނަސްރާ ދެމެދު ރަޙިމަތްތެރިކަމުގެ މެޗެއް ކުޅުމަށް ހަމަޖެހިއްޖެ އެވެ.

މިއީ ޕީއެސްޖީން މި މަހުގެ 17 ވަނަ ދުވަހު ޤަތަރަށް ކުރާ ދަތުރަށްފަހު ކުޅުމަށް ހަމަޖެހުނު މެޗެކެވެ. އެގޮތުން މި މެޗު ކުޅުމަށް ހަމަޖެހައިފައި ވަނީ މި މަހުގެ 19 ވަނަ ދުވަހު ސައުދީގެ ވެރި ރަށް ރިޔާދުގަ އެވެ. މި މެޗުގައި ޕީއެސްޖީ އަށް ކުޅެމުން އަންނަ އާޖެންޓީނާގެ ކެޕްޓަން ލިއޮނަލް މެސީ އާއި ދާދި ފަހުން އަލް ނަސްރަށް ސޮއި ކުރި ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯގެ ވާދަވެރިކަން ފެންނާނެ އެވެ. މި ދެ ކުޅުންތެރިންނަކީ ފުޓުބޯޅައިގެ އެންމެ ވާދަވެރިކަން ބޮޑު ދެ ކުޅުންތެރިންނެވެ. ޚާއްސަކޮށް މެސީ ސްޕެއިންގެ ބާސެލޯނާ އަށް، ރޮނާލްޑޯ ރެއާލް މެޑްރިޑަށް ކުޅުނު ދުވަސްވަރު މި ދެ ކުޅުންތެރިންގެ ވާދަވެރިކަން އިންތިހާ އަށް ފެނުނެވެ.

ވޯލްޑް ކަޕް ޗުއްޓީ އަށް ފަހު މިހާރު މެސީ ޕީއެސްޖީގެ ފަރިތަކުރުންތަކަށް ހާޒިރުވެފައިވާއިރު، އަދި ރަސްމީ މެޗެއް ނުކުޅެ އެވެ. ނަަމަވެސް ފްރާންސް ލީގުގައި އެންޖާސްއާ ދެކޮޅަށް ޕީއެސްޖީން ކުޅޭ މެޗުގައި މެސީ ފެންނާނެ ކަމަށް މީޑިއާ ރިޕޯޓުތައް ބުނެ އެވެ. ރޮނާލްޑޯ އަލް ނަސްރަށް ބަދަލުވި ފަހުން އެ ޓީމު ލީގުގައި ކުޅުނީ އެންމެ މެޗެކެވެ. ނަމަވެސް އެ މެޗުގައި ރޮނާލްޑޯ ކުޅެފައެއް ނުވެ އެވެ. ސަބަބީ ރޮނާލްޑޯ އަށް ދެ މެޗުގެ ސަސްޕެންޝަނެއް އައިސްފައިވުމުންނެވެ. އަލް ނަސްރުގެ މެޗެއް ދެން އޮންނާނީ މި މަހުގެ 14 ވަނަ ދުވަހު އަލް ޝަބާބާ ދެކޮޅެށެވެ. އެ މެޗުގައި ވެސް ރޮނާލްޑޯ އަށް ނުކުޅެވޭނެ އެވެ. އޭގެ ފަހުން މި މަހުގެ 19 ވަނަ ދުވަހު އަލް ނަސްރުން ޕީއެސްޖީއާ ދެކޮޅަށް ނުކުންނައިރު، އެ ޓީމަށް އޭނާ ކުޅޭނެ ފުރަތަމަ މެޗަކީ އެ މެޗުކަމަށް ވެސް ވެދާނެ އެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
30%
0%
0%
20%
10%
40%
ކޮމެންޓް