ޗެލްސީ ކޮޅަށް ހަތަރު ލަނޑު ޖަހައިގެން ސިޓީ ހަތަރު ވަނަ ބުރަށް!
9 ޖެނުއަރީ 2023 | ހޯމަ 02:10ސިޓީން މެޗު ކާމިޔާބުކުރީ 4-0 ން
ފޮޑެންއާއި އަލްވަރޭޒްވެސް މެޗުގައި ލަނޑުޖެހި
ޗެލްސީ ކޮޅަށް ހަތަރު ލަނޑު ޖަހައިގެން މޮޅުވެ, އިނގިރޭސި އެފްއޭކަޕްގެ ހަތަރު ވަނަ ބުރުން މެންޗެސްޓަރ ސިޓީ ޖާގަ ހޯދައިފިއެވެ.
އެފްއޭކަޕް ތިންވަނަ ބުރުގައި ސިޓީން ޗެލްސީގެ މައްޗަށް އިއްތިހާދު ސްޓޭޑިއަމްގައި ކުރިހޯދީ 4-0 ނެވެ. ހަތަރު ލަނޑުގެ ތެރެއިން ތިން ލަނޑު ޖެހީ ފުރަތަމަ ހާފްގައެވެ. ފުރަތަމަ ލަނޑު 23 ވަނަ މިނެޓުގައި ޖެހީ ރިޔާދު މާރޭޒް ޖެހީ ހިލޭޖެހުމަކުންނެވެ. ދެވަނަ ލަނޑު ޕެނަލްޓީއަކުން ޖެހީ އަލްވާރޭޒްއެވެ. މިއީ އޭރިޔާ ތެރެއިން ކައި ހާވާޓްޒް އަތުގައި ބޯޅަ ޖެހުމުން ދިން ޕެނަލްޓީއެކެވެ. އާޖެންޓީނާގެ ޒުވާން ފޯވާޑަށް ކޯޗު ޕެޕް ގާޑިއޯލާ ވަނީ ފުރަތަމަ އެގާރައިން ފުރުޞަތު ދީފައެވެ. ތިންވަނަ ލަނޑު ޖެހީ ފިލް ފޮޑެންއެވެ. މެޗު ނިމެން ފަސް މިނެޓަށްވެފައި ވަނިކޮށް ސިޓީގެ ހަތަރުވަނަ ލަނޑު ރިޔާދު މާރޭޒް ޖެހީވެސް ޕެނަލްޓީއަކުންނެވެ. އެއީ އޭރިޔާ ތެރެއިން ފިލް ފޮޑެންއަށް ކުރި ފައުލަކަށް ދިން ޕެނަލްޓީއެކެވެ.
މުބާރާތުގެ ތިންވަނަ ބުރުގައި ސިޓީ އާސެނަލްއާ ވާދަކުރަން ޖެހުމުގެ ފުރުޞަތު އެބައޮތެވެ. އާސެނަލްއަކީ ލީގު ތާވަލްގެ އެއްވަނާގައި އޮތް ޓީމެވެ. ސިޓީ އޮތީ ދެވަނާގައެވެ.
