މެންޗެސްޓަރ ސިޓީއަށް ފިޓްވުން ހީކުރިވަރަށްވުރެ މާ އުނދަގޫކަމަކަށް އިނގިރޭސި މިޑްފީލްޑަރ ޖެކް ގްރީލިޝް ބުނެފިއެވެ.

ޗެލްސީ އަތުން މޮޅުވި މެޗުގައި ލަނޑު ޖަހައިން ފުރުޞަތު ތަނަވަސްކޮށްދިން މިޑްފީލްޑަރ ބުނީ ހަޤީޤަތަށް ބުނާނަމަ ސިޓީއަށް ހޭނުންވީ ވަރަށް އުނދަގޫ ކަމަކަށް ކަމަށެވެ. 100 މިލިއަން ޕައުންޑްގެ އަގުބޮޑު މިޑްފީލްޑަރ ބުނީ ޓޮޕްގައި އޮތް ޓީމްގައި ގިނަ ލަނޑު ޖަހާ, ގިނަ ފުރުޞަތު ފަހިކޮށްދެވޭނެކަމަށް އުއްމީދުކުރިކަމަށެވެ. އެކަމަކު އެސްޓަންވިލާއިން ސިޓީއަށް ބަދަލުވި މިޑްފީލްޑަރަށް މިދިޔަ 18 މަސްދުވަހުގެ ތެރޭގައިވެސް އެސްޓަން ވިލާގެ ފަހު ސީޒަންގައި ގޯލްގައި ހިއްސާވި މިންވަރަށް ހިއްސާ ނުވެވެއެވެ. އެސްޓަން ވިލާގައި ހޭދަކުރި ފަހު ސީޒަންގައި ގްރީލިޝް ހަ ގޯލް ޖަހާ 10 ގޯލް ޖަހަން ފުރުޞަތު ތަނަވަސްކޮށްދިނެވެ. ސިޓީގައި މިހާތަނަށް އޭނާ ހިއްސާވީ 10 ގޯލްގައެވެ. އެއީ ހަތަރު ގޯލާއި 10 އެސިސްޓެވެ.

ޗެލްސީ އަތުން 1-0 ން މޮޅުވި މެޗުގައި ގްރީލިޝްއާއި, ލަނޑު ޖެހީ ރިޔާދު މާރޭޒް އެކުގައި ނުކުމެ ތިން މިނެޓާއި 43 ސިކުންތުގެ ތެރޭގައި ލަނޑު ޖެހިއެވެ. ދެ ކުޅުންތެރިންވެސް ކުޅެން ނުކުތީ 60 ވަނަ މިނެޓުގައެވެ. މިމޮޅާއެކު ދެވަނާގައި އޮތް ސިޓީން އެއްވަނާގައި އޮތް އާސެނަލްއާ ދެމެދު އޮތް ފަރަގު ފަސް ޕޮއިންޓަށް ކުޑަކުރިއެވެ.