"ޚާމޯޝީ" އަކީ އެންމެ ފުރަތަމަ 8ކޭ ކެމެރާއިން އިންޑިއާގައި ހަދާ ފިލްމު

ތަމަންނާ ބާޓިއާ އަދި ޕްރަބޫދޭވާ މިހާރު ޝޫޓް ކުރަމުން އަންނަ ފިލްމު "ޚާމޯޝީ" އަކީ އިންޑިއާގައި އެންމެ ފުރަތަމަ 8 ކޭ ކެމެރާއިން ޝޫޓްކުރާ ފިލްމެވެ.

އިންޑޯ-އެމެރިކަން ޑައިރެކްޓަ ޗްކްރީ ޓޮލެޓީގެ ޑައިރެކްޝަންގެ ދަށުން ހަދާ ހިންދީ ފިލްމު "ޚާމޯޝީ" ތިން ބަހަކުން ޝޫޓް ކުރާނެއެވެ.

އެއީ ހިންދީ، ތަމަޅަ، އަދި ތެލުގޫ ބަހުންނެވެ. "ޚާމޯޝީ" ގައި ތަމަންނާ ފެނިގެންދާނީ ބީރު މީހެއްގެ ރޯލުންނެވެ. ފިލްމުގެ ބޮޑު ބައެއް ޝޫޓް ކުރަނީ އިނގިރޭސިވިލާތުގެ ލަންޑަނުގައެވެ.

"ޚާމޯޝީ" ގެ ޕްރޮޑިއުސަރަކީ ވަޝޫ ބަގްނާނީ އަދި ދީޕްޝިކާ ދޭޝްމުކްއެވެ. ވަޝޫ ވަގްނާނީ ބުނެފައިވަނީ 8ކޭ ކެމެރާއިން އެންމެ ފުރަތަމަ އިންޑިއާގެ ފިލްމެއްގައި މަސައްކަތް ކުރަން ލިބުމަކީ އޭނާ ވަރަށް ފަޚުރުވެރިވާ ކަމެއް ކަމަށެވެ.

މި ފިލްމުގައި ތަމަންނާގެ އިތުރުން ޕްރަބޫ ދޭވާ އަދި ބޫމިކާ ޗަވްލާ ފެނިގެންދާނެއެވެ. މި ފިލްމު މިއަހަރުގެ ތެރޭގައި ސިނަމާތަކަށް އަންނާނެއެވެ.